नवी मुंबई-   भारतीय संविधानाचे निर्माते भारतरत्न डॉ.बाबासाहेब आंबेडकर यांच्या वकीलीच्या शताब्दी वर्षांच्या निमित्ताने दि.२८ जुलै २०२३ रोजी कल्याण येथील आचार्य अत्रे रंगमंदिर येथे "ऑल इंडिया फेडरेशन ऑफ ॲडव्होकेटस् अँड असोसिएशन्स, न्यू दिल्ली यांचे कडून असोसिएशनचे राष्ट्रीय अध्यक्ष ॲड. रवी प्रकाश जाधव, उपाध्यक्ष ॲड. प्रकाश जगताप यांनी उत्कृष्ट वकिली करणाऱ्या देशातील १०१ वकिलांना "सोल्जर ऑफ कॉन्स्टिट्यूशन" पुरस्कार प्रदान करून सन्मानित करण्यात आले त्यात "सोल्जर ऑफ कॉन्स्टिट्यूशन पुरस्कार धुळे येथील जिल्हा व सत्र न्यायालयात व शहादा येथील न्यायालयात वकिली व्यवसाय करणारे धुळे जिल्हा वकील संघाचे सन्माननिय कार्यकारणी सदस्य ॲड.उमाकांत घोडराज यांना उत्कृष्ट वकील म्हणून "सोल्जर ऑफ कॉन्स्टिट्यूशन" पुरस्कार प्रदान करून सन्मानित करण्यात आले.

कर्नाटक, झारखंड, दिल्ली, उत्तरप्रदेश, राजस्थान, तसेच महाराष्ट्रातील सर्व जिल्हातील एकूण १०१ उत्कृष्ट वकिली करणाऱ्या वकील बंधू-भगिनींचा सोल्जर ऑफ कॉन्स्टिट्यूशन  या पुरस्काराने सत्कार समारंभ कार्यक्रमाचे आणि डॉ. बाबासाहेब आंबेडकर यांच्या वकीली विषयी मार्गदर्शन कार्यक्रमाचे आयोजन शुक्रवार २८ जुलै २०२३ रोजी आचार्य अत्रे नाट्यमंदिर, शिवाजी चौक कल्याण (प.) येथे सकाळी १०.३० ते सायं. ०६.३० वाजे दरम्यान कार्यक्रमाचे आयोजन करण्यात आले होते. 

सदर कार्यक्रमास प्रमुख पाहुणे व वक्ते ॲड. गजानन चव्हाण (माजी अध्यक्ष, बार कौन्सिल ऑफ महाराष्ट्र अँड गोवा) ॲड. गोपाळ भगत (उल्हासनगर), ॲड.राजेश झाल्टे (जळगांव), ॲड. प्रशांत बाविस्कर (जळगाव) ॲड. सत्यप्रकाश गौतम (दिल्ली), ॲड. मदनलाल कलकल(दिल्ली), ॲड. राजकुमार भारत (औरंगाबाद), ॲड.संजय मोरे(सरकारी वकील) ॲड. रोशन लाल (दिल्ली) ॲड.रंजना भोसले (पुणे) ॲड. गुलाबराव अवसरमल (मा.न्यायाधिश), ॲड.विलास नाईक (अलिबाग) डॉ. डि.के सोनावणे (मा.न्यायाधिश) ॲड.जयमंगल धनराज (मुंबई), ॲड. डॉ. रमेश राठोड (नागपूर) ॲड. प्रेमनाथ पवार (नाशिक), ॲड.किरण चन्ने (भिवंडी), ॲड. बबनराव बनसोडे, ॲड. मंजू खोब्रागडे(कल्याण), ॲड. सुहास रावळे (परभणी), ॲड.धनंजय पाटील (कळवण) ॲड.शंकर रामटेके (कल्याण)आदी मान्यवर उपस्थित होते.

कार्यक्रमात कल्याण जिल्हा न्यायालय वकील संघटनेचे वकील बंधू भगिनींचा छत्रपती शिवाजी महाराज यांच्या कार्यावर आधारीत शिवसोहळा आणि डॉ. बाबासाहेब आंबेडकर आणि गांधीजी यांच्यात झालेल्या पुणे करारावर आधारित "द स्पिरीट ऑफ बाबासाहेब " या एकपात्री प्रयोगाचे सादरीकरण ॲड. डॉ. सुनिल नागेश भालेराव यांनी केले. 

फुले शाहू आंबेडकर विचारांचे अभ्यासक व भाष्यकार ठाणे शहरातील ॲड. प्रज्ञेश सोनावणे हे गेल्या अनेक वर्षांपासून गोरगरीब गरजू लोकांना त्यांचे कायदेविषयक परिपूर्ण माहिती तथा त्यांना त्यांचे हक्क अधिकार यांबद्दल सातत्याने मार्गदर्शन व मोफत न्यायालयीन लढाई लढत आहेत. त्यामुळे त्यांना सोल्जर ऑफ कॉन्स्टिट्यूशन पुरस्काराने गौरविण्यात आले.

ॲड. प्रज्ञेश चैतन्य सोनावणे यांना पुरस्कार मिळाल्या बद्दल सर्व स्तरातून त्यांचे कौतुक व अभिनंदन करण्यात येत आहे. सदर कार्यक्रमात देशभरातून वकील बंधू भगिनी मोठ्या संख्येने उपस्थित होते.