मुंबई(पंकजकुमार पाटील): 

सण उत्साहाचा, सण मांगल्याचा, 

सण मराठी अस्मितेचा, सण हिंदू संस्कृतीचा...

अर्थात गुढी पाडवा सण. कांजुरमार्ग येथील संस्कृती प्रतिष्ठान (ट्रस्ट) कडून "महागुढी सोहळा" कांजूर को. ऑप. सोसा. मैदान (क्रॉम्प्टन मैदान), गणपती मंदिर समोर, दातार कॉलनी, भांडुप (पू.), मुंबई या ठिकाणी मोठ्या उत्साहात आणि जल्लोषात साजरा केला जाणार आहे.

     यावर्षी या सोहळ्यात  "इतिहास गडकिल्ल्यांचा, वारसा शिवकालीन संस्कृतीचा" हा विषय समोर ठेवून छत्रपती शिवाजी महाराजांच्या गड किल्ल्यांच्या छायाचित्रांचे व शिवकालीन नाणी तसेच परदेशी आणि भारतीय नोटांचे प्रदर्शन, आदिलशाही लारीन नाणी आणि छत्रपती संभाजी महाराज यांचे शंभुराई नाणे विशेष आकर्षण असलेले प्रदर्शन आयोजित केले आहे. शनिवार दि.२९ मार्च, २०२५ व रविवार दि.३० मार्च, २०२५ 

सकाळी १० ते रात्रौ. ९:३० वा.पर्यंत सुरू राहणाऱ्या या प्रदर्शनासाठी प्रवेश विनामूल्य असणार आहे.

     तसेच  दि.२९ मार्च रोजी सायं. ६ वा.पासून

साहित्यरत्न अण्णाभाऊ साठे लेझीम व दांडपट्टा पथक यांचे शिवकालीन युद्धकला, लेझीम दांडपट्टा, तलवारबाजी व लाठी काठी इ. साहसी खेळ होणार आहेत तर  रविवार दि.३० मार्च रोजी सायं. ६ वा.पासून शाहिरी गर्जना कला मंच कर्जत, रायगड प्रस्तुत महाराष्ट्र गौरव, रायगड भूषण शाहीर गणेश ताम्हाणे आणि सहकारी यांचा शाहीर पोवाडा कार्यक्रम होणार आहे.

       तरी  या महागुढी सोहळ्यास विभागातील व आसपासच्या नागरिकांनी मोठ्या संख्येने उपस्थित राहून प्रदर्शन व विविध कार्यक्रमांचा आनंद घेऊन आपली संस्कृती जपावी-वाढवावी असे आवाहन आयोजकांनी केले आहे.अधिक माहितीकरता संपर्क:  ७९००१२२१४४