![](https://adarshmaharashtra.in//images/featured_image//08bb1513019b882d140bf74524a281964538f1d6.jpg)
श्रध्दा वालकरचा खुन खटला फास्ट-ट्रॅक कोर्टात चालवा ! - अजित पवार
- by Reporter
- Dec 20, 2022
- 303 views
नागपूर (मंगेश फदाले) - कोंबडीचे पस्तीस तुकडे करताना सुध्दा दहा वेळा विचार केला जातो , इथं तर मुलीचे पस्तीस तुकडे करण्यात आले आहेत. हे खूप वेदनादायी आहे. श्रध्दा वालकरचा खून ही माणूसकीला काळीमा फासणारी घटना आहे. श्रध्दाच्या खुनाचा खटला फास्टट्रॅक कोर्टात चालवून केंद्रीय गृहमंत्र्यांशी समन्वय साधून नराधम खुन्याला तातडीने फासावर लटकवा अशी मागणी महाराष्ट्र विधानसभेचे विरोधी पक्षनेते अजित पवार यांनी नागपूर मध्ये सभागृहात केली.
श्रध्दा वालकरचा खून ही अत्यंत वेदनादायी घटना आहे. कोंबडीचे पस्तीस तुकडे करताना सुध्दा दहा-दहा वेळा विचार केला जातो. मुलीचे ३५ तुकडे करण्यात आले आहेत. ही माणूसकीला काळीमा फासणारी घटना आहे.
हे खून प्रकरण आता दिल्ली पोलिसांच्या केंद्राच्या अखत्यारित आहे. मात्र महाराष्ट्राचे उपमुख्यमंत्री तथा गृहमंत्र्यांनी केंद्राशी समन्वय साधावा.
केद्रीय गृहमंत्री अमित शहा यांच्याशी स्वत: बोलावे. हा खूनाचा खटला फास्टट्रॅक कोर्टात चालवावा. नराधम खुन्याला तातडीने फासावर लटकविण्यात यावे अशी मागणी विरोधी पक्षनेते अजित पवार यांनी नागपूर येथे केली.
रिपोर्टर