प्रगतशील महिला शेतकरीचा पुरस्कार, स्नेहल संजय जगदाळे यांना प्रदान
- by Adarsh Maharashtra
- Feb 14, 2021
- 526 views
सातारा : श्रीनिवास पाटील चॅरिटेबल फाऊंडेशनच्या वतीने आयोजित करण्यात आलेल्या प्रगतशील महिला शेतकरी पुरस्काराच्या मानकरी सातारा जिल्ह्यातील कोरेगाव तालुक्यात असलेल्या कुमठे गावच्या महिला शेतकरी सौ. स्नेहल संजय जगदाळे ह्या ठरल्या असून एक शानदार समाऱंभात त्यांनी हा पुरस्कार आपल्या कुटुंबियांसह स्वीकारला.
बी. एस्सी. केल्यानंतर नोकरी-उद्योगात न अडकता त्यांनी शेतीचा मार्ग स्वीकारला तसेच आधुनिक प्रयोग करत शेतीतील उत्पन्न वाढविले. तण येऊ नये, यासाठी मल्चिंग पेपरचा उपयोग, सुपीकतेसाठी कमीत कमी रासायनिक खतांचा वापर, सेंद्रीय खतांचाच अधिकाधिक अवलंब, बाजारपेठेतील आवकनुसार पिक घेण्याचा निर्णय, विद्युत समस्येवर स्वयंचलित स्वीच, पाण्याची कमतरता म्हणून ठिबक सिंचन असेही प्रयोग त्यांनी केले. त्यांच्या विविध प्रयोगांचे अनुकरण भोवतालच्या शेतक-यांनीदेखील केले तसेच त्यांच्यात देखील उत्साह निर्माण झाला. त्यांना हा पुरस्कार मिळाल्यामुळे त्यांचे सर्वत्र अभिनंदन करण्यात येत आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम