पुणे-बंगळूर महामार्गावर कार-ट्रकचा भीषण अपघात, चार ठार

सातारा: पुणे-बंगळूर आशियाई महामार्गावर भरधाव कारने ट्रकला जोरदार धडक दिली. या अपघातात कारमधील चार जण ठार तर एक जण गंभीर जखमी झाला आहे. हा अपघात आज रविवार दुपारी दीड वाजण्याच्या सुमारास कराड तालुक्यातील वहागावच्या हद्दीत हा अपघात झाला. अपघात एवढा भीषण होता की कारचा चक्काचूर झाला असून अपघातानंतर ट्रक चालकाने ट्रकसह घटनास्थळावरून पोबारा केला.अपघातानंतर महामार्गावरील वाहतूक विस्कळीत झाली होती.याबाबत घटनास्थळावरून समजलेली माहिती अशी की, महामार्गावर कोल्हापूर दिशेने पुणे दिशेला भरधाव वेगात स्विफ्ट कार निघाली होती.

वहागावच्या हद्दीत आल्यानंतर कार चालकाचा कारवरील ताबा आणि ती भरधाव कार दुभाजकावरून विरुद्ध बाजूच्या लेनवर गेली. त्यावेळी त्या लेनवर धावत असलेल्या ट्रकला जाऊन कारची जोरदार धडक बसली. त्यामुळे कारचा चक्काचूर झाला असून मोठा आवाज झाला. अपघातानंतर ट्रक चालकाने न थांबता घटनास्थळावरून पोबारा केला. या अपघातात कारमधील तीन जण जागीच ठार झाले तर दोघांना पोलिसांनी नागरिकांच्या मदतीने उपचारासाठी रुग्णालयात हलवले. मात्र त्यातील एक जण उपचारापूर्वीच मयत झाला. तर दुसरा गंभीर जखमी असून त्यांच्यावर रुग्णालयात उपचार सुरू आहेत. अपघातानंतर महामार्गावरील वाहतूक विस्कळीत झाली होती. घटनेची माहिती मिळताच महामार्ग देखभाल विभागाचे कर्मचारी, महामार्ग पोलिस त्वरित घटना स्थळी दाखल झाले. त्यांनी विस्कळीत झालेली वाहतूक सुरळीत केली.

दरम्यान, गत रविवारी आठ दिवसांपूर्वीच महामार्गावर आटके टप्पा येथे भीषण अपघात झाला होता. यामध्ये पुणे जिल्ह्यातील तीन ठार तर आठ जण गंभीर जखमी झाले होते. त्यावेळीही भरधाव वेगातील कारमुळे अपघात झाल्याची बाब समोर आली होती. केवळ आठ दिवसात महामार्गावर कराडजवळ हा दुसरा अपघात झाला आहे. त्यामुळे महामार्गावरील वाहनांच्या वेगावर नियंत्रण आणण्यासाठी पोलिसांना उपाययोजना कराव्या लागतील, ही बाब पुन्हा एखादा समोर आली आहे.

रिपोर्टर

  • Adarsh Maharashtra
    Adarsh Maharashtra

    Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.

    आदर्श महाराष्ट्र वेब टीम

संबंधित पोस्ट