गयाना : मिताली राजच्या अर्धशतकाच्या जोरावर भारताने महिलांच्या टी-२० वर्ल्ड कप क्रिकेट स्पर्धेत पाकिस्तानवर ७ विकेटनी मात केली. निदा दार आणि बिस्माह मरूफच्या अर्धशतकाच्या जोरावर पाकिस्तानने प्रथम फलंदाजी करताना ७ बाद १३३ धावांपर्यंत मजल मारली. प्रत्युत्तरादाखल भारताने १९ षटकांत ३ विकेटच्या मोबदल्यात १३७ धावा केल्या. भारताचा हा सलग दुसरा विजय ठरला. पहिल्या लढतीत भारताने न्यूझीलंडवर मात केली होती. भारताची आता १५ नोव्हेंबरला आयर्लंडविरुद्ध लढत होईल. महिला टी-20 विश्वचषकात भारतीय महिला संघाने पाकिस्तानच्या महिला संघाचा दारुण पराभव केला आहे. या विजयामुळे विश्वचषक स्पर्धेतील भारतीय महिलांची विजयी घोडदौड कायम आहे.

प्रथम फलंदाजी करणाऱ्या पाकिस्तानी संघाला मोठी धावसंख्या करण्यापासून भारतीय गोलंदाजांनी रोखलं. पाकिस्तानला 133 धावा करता आल्या. भारताच्या सलामीवीर मिताली राज आणि स्मृती मानधनाने सावध सुरुवात केली. स्मृती 24 धावा करून तंबूत परतली. मिताली राजने त्यानंतर डावाची सूत्रे आपल्या हाती घेतली. तीने 56 धावांची शानदार खेळी करत भारताला विजय मिळवून दिला.

धावफलक

पाकिस्तान : आयेशा झफर झे. कृष्णमूर्ती गो. रेड्डी ०, जव्हेरिया खान धावबाद १७, उमैमा सोहेल धावबाद ३, बिसमार मरूफ झे. कृष्णमूर्ती गो. हेमलता ५४, निदा दार झे. कौर गो. हेमलता ५२, अलिया रियाझ यष्टिचीत भाटिया गो. पूनम यादव ४, नहिदा खान नाबाद ०, साना मीर यष्टिचीत भाटिया गो. पूनम यादव ०, डायना नाबाद ०, अवांतर ४, एकूण - २० षटकांत ७ बाद १३३.

बाद क्रम : १-०, २-१०, ३-३०, ४-१२३, ५-१२९, ६-१३३, ७-१३३.

गोलंदाजी : रेड्डी ४-१-२४-१, यादव ४-०-२६-०, दीप्ती शर्मा ४-०-२६-०, हेमलता ४-०-३४-२, पूनम यादव ४-०-२३-२.

भारत : मिताली राज झे. निदा गो. डायना ५६, स्मृती झे. उमैमा गो. मरूफ २६, जेमिमा रॉड्रिगेज झे. व गो. निदा १६, हरमनप्रीत कौर नाबाद १४, वेदा कृष्णमूर्ती नाबाद ८, अवांतर ७, एकूण- १९ षटकांत ३ बाद १३७.

बाद क्रम : १-७३, २-१०१, ३-१२६.

गोलंदाजी : डायना ३-०-१९-१, अनम अमिन ३-०-२७-०, साना मीर ४-०-२२-०, निदा दार ४-०-१७-१, अलिया २-०-२१-०, बिस्माह मरूफ ३-०-२१-१.