भाजप आमदार किसन कथोरे यांच्या गाडीला अपघात, रुग्णालयात उपचार सुरू
- by Adarsh Maharashtra
- Dec 13, 2020
- 1218 views
बदलापूर, दि.१३ : मुरबाड विधानसभा मतदारसंघाचे आमदार किसन कथोरे यांच्या गाडीला अपघात झाला आहे. आमदार किसन कथोरे यांचे वाहन आणि दुचाकीची समोरासमोर धडक झाल्याने हा अपघात झाला.
अपघातात आमदार कथोरे जखमी झाले आहेत, तर दुचाकीवरील दोन जण गंभीर असून त्यांची प्रकृती चिंताजनक आहे. कथोरे यांच्यावर बदलापूरच्या खासगी रुग्णालयात उपचार सुरू आहेत. तर दुचाकीवरील जखमींवर जवळच्या रुग्णालयात दाखल करण्यात आलं असून त्यातील एक जण अत्यवस्थ असल्याचं कळतंय.
आमदार किसन कथोरे हे टिटवाळा येथून एक कार्यक्रम आटपून पुन्हा बदलापूरच्या दिशेने येत असताना दहागांव वाहुली गावाजवळ एका भरधाव वेगाने येणाऱ्या दुचाकीची आणि आमदारांच्या वाहनाची धडक झाली. त्यामुळे हा अपघात झाला. सध्या पोलीस घटनास्थळी दाखल झाले असून पोलिसांकडून पंचनामा सुरू आहे.
दरम्यान, लोकप्रतिनिधींच्या गाडीला अपघात झाल्याने परिसरात खळबळ उडाली आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम