वसई (प्रतिनिधी) : वसईतील सूर म्युझिकल ईव्हेंट तर्फे जीवन सहारा वृध्दाश्रम वसई येथे स्वांतत्र्यदिना निमित्त ज्येष्ठ नागरिक वृध्दांच्या मनोरंजना साठी देशभक्तीपर गाण्यांची सुरेल संगीत मैफल आयोजित करण्यात आली होती. निर्माता गायक हितेन अशर , हेतल अशर आणि संचिता यांनी मधुर देशभक्तीपर गीते सादर केली. राष्ट्राला प्रेरणा देणाऱ्या या देशभक्तीपर गीतांना वृध्दाश्रमातील ज्येष्ठ नागरिकांनी वंदे मातरम् चा नारा देत  टाळ्यांच्या कडकडाटात दाद दिली. एका वृध्द आजींनी तर गाण्याच्या तालावर नृत्य सादर केले. सामाजिक बांधिलकीची जाणीव ठेवून वृध्द लोकांसाठी मनोरंजनाचे कार्यक्रम सादर करून सूर म्युझिकल ईव्हेंटचे हेतल आणि हितेन अशर असे सामाजिक कार्य सैदव करीत असतात. एच् आर एस गृप ही असे विविध मनोरंजनाचे कार्यक्रम सादर करीत असतो. या संगीत मैफलीचे शुकमल घोष यांनी व्हिडिओ छायाचित्रण केले .