
आमदारांचा विश्वासू सहकारी हॅपीसिंग याच्यावर आता कमोठ्यात गुन्हा
चमकोगिरीमुळे महानगर पालिकेने दाखविला इंगा
- by Adarsh Maharashtra
- Apr 13, 2020
- 552 views
कामोठे: गेल्याच महिन्यात खंडणी आणि बिल्डरचे अपहरण केल्याप्रकरणी खारघर पोलिस ठाण्यात गुन्हा दाखल झालेला हॅपीसिंग या आ. प्रशांत ठाकूर यांचा अत्यंत विश्वासू सहकाऱ्याच्या विरोधात महापालिकेने 'चमकोगिरी' केल्याबद्दल कामोठे पोलिस ठाण्यात गुन्हा दाखल केला आहे.
महापालिकेची रितसर परवानगी न घेता हॅपीसिंग याने त्याच्या चार साथीदारांसह कामोठे येथील नागरी वसाहतींमध्ये औषध फवारणी आणि खाद्य वस्तू वाटप केल्याने त्याच्यासह साथीदारांवर सहाय्यक आयुक्त श्याम पोशेट्टी यांच्या सुचनेवरून 'क' प्रभागाचे स्वच्छता निरीक्षक भावेश चंदणे यांनी फिर्याद दाखल केली आहे.
विनापरवानगी औषध फवारणी आणि खाद्य वाटप करून त्यासंदर्भातील छायाचित्रे सोशल मिडियावर पसरवण्यात आली आहेत. यासंदर्भात बंदीचे आदेश महापालिका आयुक्त गणेश देशमुख यांनी काही दिवसांपूर्वीच जाहीर केले होते.
त्या आदेशाचे उल्लंघन केल्याप्रकरणी सिंग आणि साथीदारांवर लॉकडाउन आदेश भंग आणि साथी रोग कायद्यातंर्गत गुन्हा दाखल केला असल्याची माहिती महापालिकेचे जनसंपर्क अधिकारी तथा उपायुक्त जमीर लेंगरेकर यांनी दिली आहे.
दरम्यान, हॅपीसिंग याने कामोठे पोलिस ठाण्यात एका अपघाताप्रकरणी हस्तक्षेप केल्याने तो अडचणीत आला होता. राजकीय वजन आणि पोलिसांची मध्यस्थी करणारा अशी त्याची ओळख त्यावेळी कामी आली होती. त्यानंतर अवघ्या सहा महिन्यात खारघर आणि आता कामोठे येथे लागोपाठ दोन गुन्हे दाखल झाले आहेत. इथे त्याला राजकीय मदत होऊ शकली नाही. त्यामुळे त्याच्या अडचणीत वाढ झाली आहे.
मदतीच्या नावाखाली काही राजकीय नेत्यांनी अनेक ठिकाणी समोर न येता दिड वर्षात येणाऱ्या पनवेल महापालिकेच्या निवडणुकीच्या पार्श्वभूमीवर काही बुजगावणे उभे केले आहेत. पण आयुक्तांनी आसूड ओढत चमको कार्यकर्ते आणि त्यांच्या नेत्यांनाही लगाम घातला आहे. मात्र, उमेदवारी मिळणार या आशेने अनेक चमको नेत्यांच्या फाजिल विश्वासाला बळी पडताना दिसत आहेत.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम