ज्येष्ठांसाठी नवी मुंबई पोलिसांचे 5 देखरेख कक्ष
कोरोनाच्या पार्श्वभूमीवर काही तक्रार असल्यास थेट संपर्क साधण्याचे आवाहन
- by Adarsh Maharashtra
- Apr 03, 2020
- 756 views
नवी मुंबई :राज्यात कोरोनाने थैमान घातल्याने लॉकडाऊनच्या पार्श्वभूमीवर घरात ठाण मांडून बसलेल्या ज्येष्ठांची विचारपूस आणि देखभालीसाठी नवी मुंबईचे पोलिस आयुक्त संजय कुमार यांच्या आदेशाने पाच कक्ष स्थापन करण्यात आले आहेत. त्या कक्षातून संजय कुमार यांच्यासह नियुक्त केलेले अधिकारी ज्येष्ठांशी संपर्क साधून त्यांची आपुलकीने विचारपूस करीत आहेत.
नवी मुंबई पोलिस ठाण्याच्या परिक्षेत्रातील 1264 ज्येष्ठ नागरिकांना या उपक्रमातून वैयक्तिकरित्या संपर्क साधण्यात आला आहे. त्यांच्याशी संवाद साधताना त्यांच्या प्रकृतीची चौकशी करताना, काळजी घेण्याच्या सल्ल्यापासून ते त्यांना काही आरोग्यविषयी तक्रार असल्यास निरसन करून मदत करण्याचे आश्‍वासन पोलिसांकडून देण्यात येत आहे. त्यांच्यासाठी औषधे, अन्न, निवारासंबंधी चौकशी करण्यात येत आहे.
या उपक्रमात तिघांनी पोलिसांकडे तक्रार करताच, त्यांना विश्‍वासात घेऊन अडचणींचे निवारण करण्यात आले आहे. नवी मुंबईतील कोणत्याही ज्येष्ठ नागरिकाला कोणतीही अडचण अथवा तक्रार असल्यास त्यांच्यासाठी (022) 27574928, व्हॉट्स क्रमांक 9321599803/9321592941 हे संपर्क क्रमांक दिले आहेत. त्यावरून पोलिसांशी संवाद साधण्याचे आवाहन करण्यात आले आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम