नवी मुंबई (प्रतिनिधी): नवी मुंबई मधील घनसोली या ठिकाणी नवी मुंबई महानगर पालिका अंतर्गत स्वच्छ सर्वेक्षण २०२२ ची जोरदार मोहीम सुरू आहे नवी मुंबईतील नागरिकांना जनजागृती करण्यासाठी नवी मुंबई महानगरपालिकेने ठिक ठिकाणी   स्वच्छता मोहिमेची माहिती कळावी म्हणून पालिकेच्या वतीने ओपन गाडीवरती ब्रँड अँबेसिडर म्हणून प्रसिद्ध गायक शंकर महादेवन यांच्या छायाचित्रासह नवी मुंबई महानगरपालिकेच्या वतीने घोषवाक्य लिहून स्वच्छता मोहिमेची जहिरात करत आहे याच जाहिरात करत असलेल्या गाडीला रविवारी सुमारे रात्री आठच्या दरम्यान भररस्त्यात भीषण आग लागल्याने एकच खळबळ उडाली आहे. सुदैवाने या आगीमुळे कोणतीही जीवित हानी झालेली नाही आगीचे कारण आतापर्यंत समजले नसून घटनास्थळी अग्निशमन दलाच्या जवानांनी वेळीच धाव घेऊन आग आटोक्यात आलेली आहे.

दरम्यान: भररस्त्यावर महानगरपालिकेच्या स्वच्छ  सर्वेक्षण २०२२ या गाडीला लागलेल्या आगीचे कारण अजून समजले नसून ही आग काही तांत्रिक कारणामुळे लागली की अजून कशामुळे  लागली याचा शोध महानगरपालिका व पोलीस प्रशासन घेत आहे.