कर्नाटकातील भीषण अपघातात मुंबईचे ६ ठार
- by Adarsh Maharashtra
- Nov 17, 2018
- 963 views
कर्नाटक: दिवाळी संपल्यानंतर मुंबईहून कर्नाटकात फिरायला गेलेल्या मुंबईच्या
खासगी बसला हुबळी-धारवाड रस्त्यावर भीषण अपघात झाला. या अपघातात सहा जण ठार
झाले. तर दहा जण जखमी झाले आहेत. जखमींना तातडीनं हुबळी येथील रुग्णालयात
हलवण्यात आलं आहे. मुंबईतील प्रवासी दरवर्षीप्रमाणं दिवाळीनंतर फिरायला जातात. यावेळी ते
कर्नाटकमध्ये फिरायला गेले होते. प्रवाशांमध्ये वृद्धांची संख्या अधिक
होती. कर्नाटकातील पर्यटनानंतर ते आज रात्री साडेदहा वाजताच्या ट्रेननं
मुंबईत परतणार होते. आज सकाळी ते सर्व जण बसमधून हुबळी-धारवाड रस्त्यावरून
जात होते. अंनिगेरी गावाजवळ सहाच्या सुमारास बस आणि ट्रकमध्ये धडक झाली.
यात सहा जणांचा जागीच मृत्यू झाला. सुमेधा जामसांडेकर (वय, ५८, घाटकोपर),
लहू केळुस्कर (वय ६५, भांडुप) विश्वनाथ, रमेश, दिनकर, सुचित्रा अशी मृतांची
नावं आहेत. तसंच जखमी झालेल्या दहा जणांना तातडीनं हुबळी येथील रुग्णालयात
दाखल करण्यात आलं आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम