तिरुपती फिल्म्स या बॅनरखाली बनलेली बैनर तले बन रहे दैनिक धारावाहिक 'अनंतकोटी ब्रह्मांडनायक साईबाबा' ही दैनिक मालिका 16 फेब्रुवारी 2021पासून 'डी डी किसान' चॅनलवर सोमवार ते शुक्रवार रात्री 8.30 वाजता दाखवली जाणार आहे. या मालिकेतून प्रेक्षकांना प्रथमच साईबाबांचे जीवन चरित्र, त्यांची शिकवण आणि त्यांच्या जीवनाचा उद्देश्य त्यांच्या बालपण, तारुण्य आणि वृद्धत्व या अवस्थांद्वारे पाहायला मिळणार आहे. यात साईबाबांच्या बालपणीची व्यक्तिरेखा मास्टर आर्यन महाजन, युवावस्थेतील भूमिका सार्थक कपूर आणि वृद्धावस्थेचा रोल समर जयसिंह करणार आहेत.

पौराणिक मालिकांचे प्रसिद्ध लेखक विकास कपूर हेच या मालिकेचे निर्माते आणि लेखक आहेत. त्यांनी आतापर्यंत तब्बल 6 हजार तासांचे कार्यक्रम आपल्या लेखणीतून उतरविले आहेत. त्यांचा ‘शिर्डी साईबाबा’ हा सिनेमा राष्ट्रपती पुरस्काराने सन्मानित करण्यात आला आहे. आपल्या नव्या मालिकेबाबत श्री. कपूर सांगतात, साई बाबांचे महान आणि प्रेरक जीवन चरित्र प्रत्येक माणसापर्यंत पोहोचावे अशी माझी अपेक्षा आहे. त्यासाठीच सहा वर्षांपूर्वी मी ही मालिका दूरदर्शनच्या किसान वाहिनीला पाठवली होती. साईबाबांच्या कृपेने दूरदर्शनने आता त्याला हिरवा कंदील दाखवला. माझ्यासाठी ही मोठ्या आनंदाची बाब आहे. कारण केवळ भारतातील लोकांनीच नव्हे, तर संपूर्ण विश्वाने साईबाबांची शिकवण आणि उपदेश स्वीकारण्याची आज खरी गरज आहे. या मालिकेच्या माध्यमातून बाबांची जीवन कहाणी सर्वांपर्यंत पोहोचणार आहे. गाव खेड्यातला एक अजाण बालक कशा पद्धतीने अनंतकोटी ब्रह्मांडनायक साईबाबा बनला? लोक राम आणि कृष्ण यांच्या जन्मापासून ते ईश्वर व अवतार बनल्याची कहाणी सर्वांना ठाऊक आहे, पण साईबाबांचे बालपण आणि युवावस्थेतील कहाणी कुणालाच ठाऊक नाही. म्हणूनच साईबाबांच्या बालपणीचा संघर्ष, साधना आणि तपस्या या मालिकेतून प्रेक्षकांना पाहायला मिळेल. याचे लेखन माझ्याच ‘साई की आत्मकथा,'श्री साई सच्चरित्र,' खापर्डें की डायरी','साईलीला पत्रिका" वगैरेच्या सहाय्याने करण्यात आले आहे.’

साईबाबांच्या तरुण अवस्थेतील भूमिका साकारणारे युवा व टॅलेण्टेड अभिनेता सार्थक कपूर (जे क्रिकेटवर बनत असलेल्या 'चल जीत ले ये जहाँ' या सिनेमाचे नायकही आहेत) म्हणतात, ही भूमिका माझ्यासाठी खूपच आव्हानात्मक होती. म्हणून मला त्यासाठी खूप मेहनत करावी लागली. संकटाच्या वेळी मला साईबाबा हमखास आठवतात आणि विशेष म्हणजे दरवेळी ते माझ्या मदतीला धावून येतातच. त्यांचीच व्यक्तिरेखा साकारणं ही मी त्यांचीच कृपा मानतो. मला सर्वाधिक कष्ट त्यांच्यासारखे बोलण्याच्या वेळी झाली होती. कारण आपण नेहमी जसे बोलतो किंवा आपल्या बोलण्याची जी पद्धत असते त्यापेक्षा संत आणि फकीर यांची बोलण्याची भाषा खूप वेगळी असते.’

मालिकेचे दिग्दर्शक चंद्रसेन सिंह आणि विजय सैनी यांनी सांगितले की, ‘साईबाबांचे संपूर्ण जीवन दाखवणे आणि त्यावेळची परिस्थिती दाखवणे हे खूपच कठीण काम होते, पण श्री. विकास कपूर यांचे लेखन आणि त्यांचा अनुभव आमच्या मागे असल्यामुळे आम्ही साईबाबांच्या जीवनाचा उद्देश्य, त्यांचे ज्ञान, सर्वसामान्यांच्या समस्या निराकरण करण्याची त्यांची पद्धत हे सगळे लोकांपर्यंत पोहोचविण्यात आम्ही नक्की यशस्वी होऊ.’

अनंतकोटी ब्रह्मांडनायक साईबाबा' या दैनिक मालिकेचे छायांकन आर. आर. प्रिन्स यांनी केलेले असून संगीत अमर देसाई यांनी दिले आहे. संकलन पप्पू त्रिवेदी, लेखन विकास कपूर आणि बॅकग्राऊण्ड संगीत प्रकाश नार यांनी केले आहे. या मालिकेत सार्थक कपूर, समर जय सिंह, आर्यन महाजन, गजेंद्र चौहान, यशोधन राणा, महेश राज, प्रिया ग्राबे, किशन भान, शीश खान, हेमल धरिया, जावेद शेख, आयुषी सांगली, अभिषेक आणि गणेश मेहरा, किशोरी शहाणे, कीर्ती सुळे, राजन श्रीवास्तव, मुस्कान सैनी, वैशाली दभाडे, राकेश डग आणि सुनील गुप्ता यांच्याही प्रमुख भूमिका पाहायला मिळतील.