मनोरंजन क्षेत्रात पुन्हा खळबळ! आणखी एका अभिनेत्याची आत्महत्या
- by Adarsh Maharashtra
- Feb 07, 2021
- 789 views
चेन्नई, दि.६ : पुन्हा एकदा मनोरंजन क्षेत्राला धक्का बसला आहे. अभिनेता सुशांत सिंह राजपूतच्या मृत्यूतून कित्येक जण सावरत असताना आता आणखी एका अभिनेत्यानं आपलं आयुष्य संपवलं आहे. अभिनेता श्रीवास्तव चंद्रशेखरनं आत्महत्या केली आहे. गळफास घेऊन त्यानं आपल्या आयुष्याचा शेवट केला.
श्रीवास्तव चंद्रशेखर हा साऊथ अभिनेता. फिल्मी बीटच्या रिपोर्टनुसार चंद्रशेखरनं ४ फेब्रुवारी,२०२१ ला आत्महत्या केली. त्याच्या वडीलांच्या घरात त्याचा मृतदेह लटकलेल्या अवस्थेत आढळला. हे घर व्यावयसायिक कारणासाठी वापरलं जात होतं.
चेन्नईच्या पेरांबूरमध्ये शूटिंगसाठी जात असल्याचं त्यानं आपल्या कुटुंबाला सांगितलं होतं. त्यानं आत्महत्या का केली यामागी कारण अद्याप समजलेलं नाही. पोलिसांनी याप्रकरणी तपास सुरू केला आहे. शुक्रवारी त्याच्या मृतदेहावर अंत्यसंस्कार करण्यात आले.
श्रीवास्तव हा वल्लमई थारायो या वेब सीरिजचा भाग होता. धनुषसहदेखील त्यानं काम केलं होतं.२०१९ साली रिलीज झालेल्या एनई नोकी पायुम थोट्टा मध्ये तो धनुषचा सहकलाकार होता.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम