उल्हासनगर(प्रतिनिधी) : उल्हासनगर कॅंप १ येथिल शहाड जवळ असलेल्या  सेंच्युरी  रेयॉन च्या मागील   आय डीआय  कंपनीच्या  रोड वरील  मटेरियल गेट जवळ  उल्हासनगर महापालिकेने  बनवलेल्या  नाल्यामध्ये   ९ जानेवारी रोजी  घातक रसायन एका  टॅंकर  द्वारे सोडन्यात आले होते.तो टॅंकर कंपनीच्या सुरक्षा रक्षकानी पकडला असुन ड्रायव्हर मात्र फरार झाला आहे . 

उल्हासनगर शहाड येथे असलेल्या सेंच्युरी रेयॉन कंपनीच्या बाजुने जाणाऱ्या नाल्यातुन केमिकल चा उग्र वास येत होता . तेव्हा चौकशी केल्यावर एक टॅंकर ( एम एच ०४ इ एल ०८७८ ) कंपनीच्या निवासी संकुला बाहेर उभा असलेला दिसुन आला आणि त्या टॅंकर मधुन हा वास येत होता . याच टॅंकर द्वारे मटेरियल गेट जवळ असलेल्या नाल्यात घातक केमिकल टाकल्याचे वासावरुन  निष्पन्न झाले आहे  . दरम्यान या टॅंकर ची माहीती उल्हासनगर पोलिसाना देन्यात आली तर हे घातक रसायन कोणते आहे . याची चौकशी महाराष्ट्र प्रदुषण मंडळ व सेंच्युरी रेयॉन कंपनी करत आहे . तर टॅंकर मालक आणि ड्रायव्हर यांचा शोध पोलिस घेत आहेत.