उल्हासनगर(प्रतिनिधी) : उल्हासनगर कॅंप ५ येथिल एका मित्राने पैशाची मागणी करुन व्हिडियो व्हायरल करण्याची धमकी देणाऱ्या मित्राची गळा दाबुन हत्या केली असुन त्याचा मृतदेह गाडीच्या डिकीत  मिळुन आला आहे तर दिपक गोकलानी याला हिल लाईन पोलिसानी अटक केली आहे . 

उल्हासनगर कॅंप ५ येथे राहणारा पवन अच्छरा (२५) हा १६ नोव्हेंबर पासुन  बेपत्ता होता . तेव्हा त्याच्या वडीलानी हिल लाईन पोलिस ठाण्यात मिसींग दाखल केली होती त्याच मिसींग च्या आधारे पोलिसानी तपास सुरु केला.  दरम्यान काल नेताजी चौक येथिल तळवळकर जिम च्या बाजुला एक सफेद रंगाची गाडी उभे असलेली पोलिसाना दिसली त्या गाडीच्या डिकीतुन दुर्गंधी येत असल्याने पोलिसानी त्या गाडीची डिकी उघडली असता त्या  डिकीत पवन याचा मृतदेह मिळुन आला.पोलिसानी मृतदेह ताब्यात घेवुन जे जे रुग्णालयात शवविच्छेना करिता पाठवला आहे . तर पोलिसानी पवन चा मित्र दिपक गोकलानी याला ताब्यात घेवुन  त्याची   अधिक चौकशी केली असता त्यानेच पवन चा गळा दाबुन हत्या केल्याची कबुली दिली आहे . गुन्हा कबुल करताना दिपक याने सांगितले की पवन हा पैशाची मागणी करत होता तर कोणता तरी व्हिडियो व्हायरल करन्याची धमकी दिली म्हणुन पवन ची हत्या केल्याची कबुली दिपक ने दिली आहे. दरम्यान दिपक ला हिल लाईन पोलिसानी या गुंह्यात अटक केली आहे .