शहापूर (महेश धानके) ठाणे ग्रामीण जिल्ह्यातील शहापूर उपविभागातील शहापूर पोलीस स्टेशन हद्दीतील भातसा नदी व कॉलनी लगत असलेल्या गावठी दारूच्या दहा हातभट्ट्या उध्वस्त करण्यात शहापूर पोलीस स्टेशनला यश आले आहे.

शहापूर पोलीस स्टेशन यांनी याबाबत पत्रकारांना माहिती दिली असून ठाणे ग्रामीण पोलीस अधीक्षक विक्रम देशमाने,अप्पर पोलीस अधीक्षक स्मिता पाटील यांच्या मार्गदर्शनाखाली शहापूर उपविभागीय पोलीस अधिकारी नवनाथ ढवळे, पोलीस निरीक्षक घनश्याम आढाव यांचेसह सहाय्यक पोलीस निरीक्षक श्री जाधव,पोलीस उपनिरीक्षक कदम,अहिरराव,केंद्रे,बळीप यांनी तीन पथके तयार करून धाडी टाकल्या असून दहा ठिकाणी असलेल्या अनधिकृत हातभट्ट्या उध्वस्त करण्यात आल्या आहेत,यावेळी अंदाजे ११६१५० रुपये किमतीचे ३८५० लिटर वॉश व इतर साहित्य नष्ट करण्यात आले,या मोहिमेत शहापूर उपविभातील २० पुरुष कर्मचारी ५ महिला कर्मचारी यांचेसह आरसिपी पडघाचे ३०  कर्मचारी सहभागी झाल्याची माहिती पोलीस निरीक्षक घनश्याम आढाव यांनी आदर्श महाराष्ट्रशी बोलताना दिली