उल्हासनगरात मटका किंग संदीप गायकवाड यांच्यावर प्राणघातक हल्ला .
- by Rameshwar Gawai
- Oct 22, 2020
- 1006 views
उल्हासनगर(प्रतिनिधी): उल्हासनगर येथिल समाजसेवक आणि विविध पक्षात काम करुन अखेर मटक्याचा व्यवसाय करणारे मटकाकिंग संदीप गायकवाड यांच्यावर काल रात्री अकरा वाजता कॅंप ४ येथिल श्रीराम चौकात दोन अनोळखी इसमानी गोळ्या झाडल्या असुन गोळ्यांचा नेम चुकल्याने त्या हल्लेखोरानी लोखंडी रॉडने गायकवाड यांच्या डोक्यावर जबर प्रहार करुन गंभीररित्या जखमी करुन पळुन गेले आहेत . या हल्ल्या प्रकरणी विठ्ठलवाडी पोलिस ठाण्यात गुन्हा दाखल झाला आहे
या बाबत माहीती देताना पोलिसानी सांगितले की काल रात्री ११ वाजता संदीप गायकवाड हे आपले मित्र जहांगीर मोरे यांच्या सोबत कॅंप ३ कडे चालत येत असताना पाठीमागुन एम एस ०२ सी डब्ल्यु . ७३०० या हुंदाई कार मधुन दोन अनोळखी इसम उतरले व त्यातील एकाने संदीप गायकवाड यांच्या पोटरीवर जवळच्या अग्निशस्त्रातुन दोन गोळ्या झाडल्या परंतु एक ही गोळी गायकवाड याना लागली नाही.तेव्हा दुसऱ्या इसमाने हातातील लोखंडी रॉड ने डोक्यावर जबर प्रहार केला . त्यामुळे घाबरलेल्या अवस्थेत गायकवाड यानी पळण्यास सुरवात केली असता समोरुन पोलिसांची व्हॅन आली . लगेच गायकवाड हे त्या व्हॅन मध्ये बसले . दरम्यान पोलिस आल्याचे पाहुन ते दोन्ही अनोळखी आरोपी पळुन गेले पोलिसानी त्या आरोपीच्या गाडीचा पाठलाग केला . परंतु ते कल्याण च्या दिशेने पळुन गेले आहेत . दरम्यान संदीप गायकवाड याना उपचारा करिता प्रथम मध्यवर्ती रुग्णालयात दाखल केले मात्र नंतर त्याना खाजगी रुग्णालयात हलविन्यात आले आहे . तर त्या दोन्ही अनोळखी आरोपी विरुध्द विठ्ठलवाडी पोलिस ठाण्यात ३०७,३४ सह शस्त्र अधिनियम कलम ३,२५ महाराष्ट्र पोलिस कायदा कलम ३७ (१) १३५ नुसार गुन्हा दाखल केला आहे . तर या गुंह्याचा तपास सहायक पोलिस निरीक्षक एस जे माने हे करत आहेत .
रिपोर्टर
आदर्श महाराष्ट्र वेब टीम