मुंबई ता.27(जीवन तांबे) मुंबईत कोरोना बाधित रुग्णाचा वाढता आलेख चिंतेत भर टाकणारा असून सामान्य आजाराच्या व्यक्तीलाही कोरोना संशयाने पाहिले जात असल्याने रुग्णाच्या मनात आणखीन भीती निर्माण होत आहे. सायन रुग्णालयात किडनीच्या आजारावर उपचार घेत असलेल्या चेंबूर येथील एका 45 वर्षाच्या व्यक्तीचा काल उपचार सुरू असताना मृत्यू झाला आणि त्यांचा कोरोना रिपोर्ट पॉझिटिव्ह आल्याचे डॉक्टरांनी नातेवाईकाना सांगताच ते सर्व रुग्णालय सोडून घरी पळून गेले मात्र रुग्णालयाने उशिरा कोरोना झाल्याची माहिती देऊन नातेवाईकानाही अंधारात ठेवल्याचा आरोप केला जात आहे. मुंबई उपनगरातील चेंबूर येथील पी. एल लोखंडे मार्गावरील महात्मा फुले नगर, नागेवाडी, काद्रिया नगर, पंजाब वाडीत आतापर्यंत 43 कोरोना रुग्ण आढळल्याने हा परिसर हॉटस्पॉट बनले असून रोज बाधित रुग्ण आढळत असल्याने प्रशासन चिंतेत पडले आहे. पी एल लोखंडे मार्गावरील सिद्धार्थ नगरात रहाणाऱ्या 45 वर्षाच्या एका व्यक्तीचा दोन्ही किडन्या निकाम्या झाल्या असल्याने त्याला नातेवाईकांनी सायन रुग्णालयात उपचारासाठी दाखल केले. त्यांच्यावर सर्वसाधारण वार्ड क्रमांक 5 मध्ये उपचार सुरू होते. यादरम्यान रुग्णालयाने त्यांची कोरोना टेस्ट केली असता ता. 23 एप्रिल रोजी रुग्णाची चाचणी पॉझिटिव्ह आली. याबाबत डॉक्टरांनी नातेवाइकांना काहीही सांगितले नाही. यादरम्यान त्या रुग्णास नातेवाईक रोज घरून जेवण व फळे देत जवळ जात होते. आणि अचानक ता. 25 एप्रिल रोजी दुपारी त्यांचा मृत्यू झाला. रुग्णालयातील डॉक्टरांनी त्याच्या बहिणीला मृतदेह घरी घेऊन जाण्यास सांगितले. रुग्णाच्या बहिणीने आपल्या मुलीला व समोरील व्यक्तीला याबाबत माहिती देऊन रुग्णालयात येण्यास सांगितले. यावेळी नातेवाईक काही एकत्र येत ते मृतदेह घेऊन जाण्याची लगबग करत असताना एकाने मृत्यू चे कारण विचारताच डॉक्टरांनी कोरोनाने झाल्याचे सांगताच सर्वच नातेवाईक मृतदेह रात्री तिथेच सोडून भीतीने एकेकजण घरी पळून गेले. सदरील घटना राहिवाशाना समजताच त्यांनी रुग्णाच्या बहीण, भाची, शेजारील व्यक्तीला बाहेर थाबायला लावले. कोरोना बाधित रुग्णाच्या संपर्कात आले असल्याची माहिती पालिकेला दिली. पालिका अधिकारी येऊन त्याना क्वॉरोनटाईन करिता रात्री घेऊन गेले तर आज पालिकेने त्यांच्या घरातील 6 जणांना क्वॉरोनटाईन कक्षात ठेवण्यास घेऊन गेले. रुग्णालयातील डॉकटरानी रुग्णाची कोरोना चाचणी पॉझिटिव्ह आली असल्याची अगोदर माहिती दिली. क्वॉरोनटाईन कक्षात कुटुंब व नातेवाईकांना रहाण्याची वेळ आली नसती असा आरोप नातेवाईकांनी केला आहे.  क्वॉरोनटाईन केल्याने मृतदेह रुग्णालयातच आहे

प्रतिक्रिया: - राजीव सिंग सहाय्यक वैद्यकीय आधिकारी (टिळक रुग्णालय )या रुग्णाबाबत मला काही माहिती नाही. कोरोना बाधित रुग्ण ज्या वार्डमध्ये आहेत. त्या वार्ड मध्ये जाण्यास कोणालाही देत नाही. जर उपचार दरम्यान एखादा रुग्णांची कोरोना चाचणी पॉझिटिव्ह आली तर नातेवाईकांना लगेच माहिती देतो.  

प्रतिक्रिया:-मयत रुग्णांची बहीण रुग्णाची कोरोना चाचणी पॉझिटिव्ह येऊन देखील आम्हाला सांगण्यात आले नाही. मृतदेह कपड्यात बांधण्याकरिता ही कामगाराने आमच्या एका नातेवाईकाला मदतीला बोलावले. नंतर रुग्ण कोरोना पॉझिटिव्ह असल्याचे सांगण्यात आले. कोरोना चाचणीचा रिपोर्ट आल्यावर लगेच आम्हाला कल्पना दिली असती तर आम्ही खबरदारी घेतली असती. नातेवाईकांना बोलावले नसते. शेजाऱ्याना ही घटना समजली तेव्हा त्यांनी फोन करून आम्हाला बाहेर थांबण्यास सांगून पालिकेला क्वॉरोनटाईन करण्यास सांगितले. त्यामुळे मृतदेह घेता आला नाही. मृतदेह अद्याप वार्ड 5 पाच मध्येच आहे. आज रुग्णालयातील डॉक्टरांच्या निष्काळजीपणा मुळे हे भोगावे लागत आहे.