मर्यादा पुरुषोत्तम प्रभू श्रीरामचंद्राचा जन्मोत्सव आनंद आणि उत्साहात साजरा करण्याचा दिवस म्हणजे रामनवमी. 

प्रभू श्रीराम जन्मोत्सवाची सुरुवात होते ती गुढीपाडव्यापासून. गुढ्या उभारून राम उत्सवाचे स्वागत केल्या जाते. 

रामनवरात्रात नऊ दिवस अनेक कार्यक्रम होतात. नवमी या दिवशी रामनवमी,  राम जन्मोत्सव, नेहमीच गर्दीत खुलून दिसणारे अध्यात्म श्रीराम मंदिरात बसलेले प्रभू श्रीरामचंद्र,  माता सीता,  भैय्या लक्ष्मण  व नेहमीच हात जोडून तत्पर असलेले पवनसुत हनुमान.  अशा या सुंदर मूर्ती,  पाहतां क्षणीच नतमस्तक होणारे भक्तगण पण आज कोरानाच्या भीतीने लाॅकडावून असलेले द्वार.  असंख्य लोकांचे श्रद्धास्थान,  बलस्थान,  भक्ती स्थान असलेले हेच नव्हे तर गावोगावीचे प्रभू श्रीरामचंद्रांची मंदिर भक्ता विना उद्या दिसतील.  प्रभू श्रीराम चंद्राचा जन्म दुपारी सूर्यदेव माथ्यावर आल्यावर ( वेळ १२.०५ मि) होईल,  त्यावेळी देवांचें वैभव पाहणारे भक्तगण तिथे नसतील.  कोरोनानी देवांनाही सोडलेलं दिसत नाही. श्रीराम भक्तांचे आराध्य दैवत रामराया. मग या आराध्यदैवताचां रामनवमी उत्सव दरवर्षी  मोठ्या प्रमाणात साजरा होत आलेला आहे यात शंका नाही, पण कोरोनामुळे तो भव्य दिव्य होणार नसला तरी मंदिरात राम जन्म होणारच, फक्त तो काही ठिकाणी गुरूजीच्या उपस्थितीत तर काही ठिकाणी १४४ ना जुमानता, त्यांचे उल्लंघन करून आलेल्या मंदिर पदाधिका-याच्या उपस्थितीत. उत्सवासाठी १४४ लागू असतांना, मंदिर व्दारबंद असतांना यावर्षी गर्दी करू नका असा सक्त आदेश आहे, त्यामुळे यावर्षीचा आपला उत्साह, जोश पुढील येणा-या रामनवमी करीता राखून ठेवू या.   

प्रभू श्रीरामाला नतमस्तक होवून प्रार्थना करू या कि या देशावर, राज्यावर आलेले कोरोना संकट कोरे करून घेवून जा. 

आपणा सर्वांना रामनवमीच्या खूप खूप शुभेच्छा...