" मंगलमय गुढी पाडवा "
- by Adarsh Maharashtra
- Mar 25, 2020
- 653 views
" मंगलमय गुढी पाडवा "
आनंद उधळला चैत्र एकादशी तुमच्या दारी आली
जीवनात साऱ्यांच्या,उत्साहाची नव पालवी फुलली
कडूनिंब दुःख निवारी,फुलाफुलांचे तोरण बांधे दारी
इच्छा आकांक्षांची गुढी उभारु मजेने आपल्या दारी...१
स्वागत नववर्षाचे,आशा आकांक्षाचे,सुख समॄद्धीचे
सर्वाना नववर्ष जावो छान,पडे द्वारी पाऊल गुढीचे
आरंभ होई नववर्षाचा, गुढी पाडवा सण उत्सवाचा
मुखी भरवा घास गोडाचा,सण असे गुढीपाढव्याचा...२
किरण कोवळे रविराजाचे,उल्हासित करे मन सर्वांचे
प्रेमभावना राहो मनात तुमच्या,हे सांगतो गुढीपाडवा
कालबाह्य ते सोडून द्या,घरावर आपल्या उभारा गुढी
नव वर्षाचे स्वागत करुनी,सोडा तुम्ही मनांतील अढी...३
नववर्ष म्हणजे आयुष्यातील चैतन्याचा नवा स्पर्श
जीवन होई सुखी, क्षणी लाभू दे न संपणारा हा हर्ष
मराठमोळ्या नववर्षी,गजबजु दे आयुष्याची पालखी
हृदयाजवळच्या माणसांची सोबत प्रेमाने राहो सारखी...४
सरत्या वर्षी आपल्यानी मनशांती,मदत,खुप प्रेम दिले
सण आज गुडीपाडवा असे, नाते खुप बळकट झाले
खुप सोसला संघर्ष,अनुभवाने वागणे मला शिकवले
येई नवे वर्ष असो साथ तुमची,हे माझ्या मनी वसविले...५
तुमच्या परिवाराला वर्ष सुखाचे व भरभराटीचे जावो
हीच देवा चरणी प्रार्थना,सर्व इच्छा तुमच्या पूर्ण होवो
आणि आपली साथ निरंतर राहो,ही अपेक्षा मी करतो
नव वर्षाच्या व गुढीपाडव्याच्या हार्दिक शुभेच्छा देतो...६
प्रदीप वि.मस्तकार
मोबाईल - ९१३७०५७९७८
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम