कामगार नेते आणि माजी संरक्षणमंत्री जॉर्ज फर्नांडिस यांचे निधन
- by Adarsh Maharashtra
- Jan 29, 2019
- 919 views
देशाचे माजी संरक्षणमंत्री जॉर्ज फर्नांडिस यांचे प्रदीर्घ आजाराने निधन झाले आहे. ते ८८ वर्षाचे होते. गेल्या काही दिवसांपासून फर्नांडिस आजारी होते. त्यांनी दिल्लीतील मॅक्स रुग्णालयात आज मंगळवारी (दि.२९) सकाळी ७ वाजता अखेरचा श्वास घेतला.
कामगार आणि समाजवादी चळवळीत त्यांचे मोठे योगदान आहे. फर्नांडिस हे अटल बिहारी वाजपेयी यांच्या सरकारच्या काळात संरक्षणमंत्री होते. त्यांनी आपल्या राजकीय कारकिर्दीत संरक्षण मंत्रालयाबरोबरच उद्योग, रेल्वे मंत्रालयाची जबाबदारी चांगल्यारितीने पार पाडली आहे. १९६७ ते २००४ दरम्यान त्यांनी ९ वेळा लोकसभा निवडणूक जिंकली आहे.
जनता पक्षाच्या सरकारच्या काळात ते उद्योग मंत्री होते. त्यानंतर जनता पक्षाचे विभाजन झाल्यानंतर त्यांनी समता पक्षाचा स्थापना केली आणि भाजपला पाठिंबा दिला. आणीबाणी संपल्यानंतर त्यांनी १९७७ मध्ये मुझफ्फरपूर येथील लोकसभेची जागा निवडणूक तुरुंगात असतानाही लढविली आणि ही निवडणूक ते विक्रमी मताने जिंकले होते.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम