काँग्रेसच्या 'प्रियांकास्त्रामुळे' कार्यकर्त्यांत उत्साह तर विरोधक धास्तावले
- by Adarsh Maharashtra
- Jan 24, 2019
- 594 views
लोकसभा निवडणुकीच्या तोंडावर काँग्रेसने गुरुवारी मास्टरस्ट्रोक खेचत प्रियंका गांधी-वढेरा यांना पक्षाच्या पूर्व उत्तर प्रदेश सरचिटणीसपदाची जबाबदारी सोपवली. राजकीयदृष्ट्या महत्त्वाच्या उत्तर प्रदेशसह देशावर काँग्रेसचा झेंडा फडकावण्याच्या दृष्टीने राहुल गांधी यांनी हे “प्रियंकास्त्र’ चालवले. या माध्यमातून प्रियंका यांचा राजकीय प्रवेश झाला आहे. दरम्यान, प्रियंका सध्या परदेशात असून १ फेब्रुवारीला परतल्यावर त्या पक्षाने सोपवलेली जबाबदारी स्वीकारतील.
पंतप्रधान नरेंद्र मोदी आणि मुख्यमंत्री योगी आदित्यनाथ पूर्व उत्तर प्रदेशातूनच जिंकलेले आहेत. कधीकाळी काँग्रेसचा बालेकिल्ला असलेला हा भाग आज भाजपचा गड आहे. या निर्णयाबद्दल राहुल गांधी यांनी आनंद व्यक्त केला. लोकसभा निवडणुकीत काँग्रेस बॅकफूटवर नव्हे, फ्रंटफूटवर खेळेल, असे आत्मविश्वासाने सांगितले. दरम्यान, भाजपचे उत्तर प्रदेश प्रभारी जे. पी. नड्डा म्हणाले, हा काँग्रेसच्या “घराणेशाहीचा’विस्तार असून यामुळे राहुल गांधी यांचा नाकर्तेपणा स्पष्ट झाला आहे.
पश्चिम उत्तर प्रदेशचे सरचिटणीसपद ज्योतिरादित्य शिंदे यांच्याकडे सोपवण्यात आले असून नव्या रचनेत मुख्यमंत्री अशोक गहलोत यांच्यावर असलेली पक्ष संघटनेच्या सरचिटणीपदाची काढून ती के. सी. वेणुगोपाल यांच्याकडे सोपवली आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम