आझाद मैदानात प्रहार शिक्षक संघटनेचे धरणे आंदोलन
- by Adarsh Maharashtra
- Dec 19, 2018
- 668 views
मुंबई: बृहन्मुंबई महानगरपालिकेतील सर्व माध्यमांच्या अतिरिक्त शिक्षकांना इतर महानगरपालिकेत समायोजनाने आंतरजिल्हा बदली मिळालीच पाहीजे या मागणीसह आपल्या अन्य मागण्या मान्य व्हाव्यात या करिता आझाद मैदानात प्रहार शिक्षक संघटनेच्यावतीने धरणे आन्दोलन करण्यात आले.राज्यातील विविध भागातून आलेले 300 शिक्षक येथे उपस्थित होते.त्यात 50 पेक्षा जास्त महिला शिक्षकांची उपस्थिती लक्ष वेधुन घेत होती.आन्दोलनास पाठिंबा देत अचलापुरचे आमदार बच्चू कडू यांनी तुमच्या मागण्या होण्यासाठी प्रसंगी मोठा लढ़ा उभारण्यात येईल असा संदेश त्यांनी मंत्रालयात उपस्थित राहत याच संदर्भात संबंधित प्रशासकीय अधिकाऱ्यांच्या झालेल्या भेटी दरम्यान दिला.प्रहार शिक्षक संघटनेचे अध्यक्ष महेश ठाकरे यांचे सह विकास घुगे,रितेश पवार,सुदर्शन फुले आणि राहुल ढोबळे यांच्या मार्गदर्शनाखाली आन्दोलन सुरु होते.
काय आहेत मागण्या?
1.बृहन्मुंबई महानगरपालिकेतील सर्व माध्यमांच्या अतिरिक्त शिक्षकांना इतर महानगरपालिकेत समायोजनाने आंतरजिल्हा बदली मिळालीच पाहीजे.
2.राज्यातील इतर महानगरपालिकेतुन बदली घेऊन बृहन्मुंबई इच्छूक शिक्षकांना बदली मिळालीच पाहीजे.
3.वृध्द आई वडिलांचा सांभाळ करण्यासाठी शिक्षकांना स्वजिल्ह्यात बदली मिळालीच पाहीजे.
4.बृहन्मुंबई महानगरपालिकेतील शिक्षकांना पती-पत्नी एकत्र करण्याचा नैसर्गिक न्यायतत्व नियम मान्य करून शिक्षकांना आंतरजिल्हा बदली मिळालीच पाहीजे.
5.बृहन्मुंबई महानगरपालिकेसह राज्यातील महानगरपालिका व नगरपालिकेतील इच्छुक कर्मचारी आंतरजिल्हा बदली ऑनलाईन पोर्टल उपलब्ध झालेच पाहिजे.आदी मागण्यासाठी बेमुदत धरने आन्दोलन करण्यात आले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम