कल्याण - गेली सुमारे १५ वर्षांपासून कल्याण पूर्वेतील जनतेसाठी कल्याण पूर्वेतील समाजाभिमुख दानशूर उद्योगपती मा.अमितभाऊ सोनवणे यांच्या प्रमुख मार्गदर्शनाखाली संबोधी प्रबोधन मंच नेहमीच सातत्याने प्रबोधनाचे कार्य करीत असून ह्या प्रबोधनाच्या माध्यमातून सामाजिक एकोपा जोपासण्याचे काम अव्याहतपणे होत आहे ह्या प्रबोधनात्मक कार्यातून समाज एकमेकांशी जोडल्या जात आहे , एकमेकांशी स्नेह वृद्धिंगत होत आहे.प्रत्येक वर्षीच्या बुद्ध पौर्णिमा ह्या महामंगल दिनांचे औचित्य साधून महापुरुष संयुक्त जयंती महोत्सव साजरा केला जात आहे.ह्या महोत्सवात दरवर्षी आंबेडकरी विचारांचा खजिना लुटण्याची सर्वच प्रबुद्ध जनतेला आयतीवयती संधी चालून येते , आणि हे विचारधन वेचण्यासाठी हजारोंच्या संख्येने जनता येते.

यंदाही रविवार दिनांक ३० एप्रिल २०२३ रोजी सायंकाळी ०७.०० वाजता कल्याण पूर्वेतील १०० फुटी रोडवर असणाऱ्या स्मार्ट पॉईंट समोरच्या भव्य प्रांगणात महापुरुष संयुक्त जयंती महोत्सव साजरा करण्यात येणार असून सदरहू महोत्सवात महाराष्ट्रातील ख्यातकीर्त प्रबोधनकार व महाराष्ट्र विधिमंडळातील विद्यमान आमदार मा.अमोलजी मिटकरी यांची वैचारिक मेजवानी कल्याणकरांना मिळणार असून , याच कार्यक्रमात मा.राजू सरपे यांचा "सूर्योदय क्रांतीचा" बुद्ध भिम गीतांचा जंगी कार्यक्रम होणार आहे.ह्या कार्यक्रमात कल्याण पूर्वचे सुप्रसिद्ध उद्योगपती आणि समाजसेवक मा.अमितभाऊ सोनवणे आणि सनदी अधिकारी मा.सुबोधजी भारत आणि इतर मान्यवर उपस्थित राहणार असल्याची माहिती भिमपँथर मा.राजेश गवळी यांनी आमच्या वार्ताहराला दिली आहे.