व.पो.निरीक्षक मंदाकिनी नरोटे, डॉ. अनघा आवटे, नंदाताई कांबळे, सुनंदा शिशुपाल "क्रांतिज्योती" पुरस्काराने सन्मानित
सावित्रीमाईंनी महिला सबलीकरणाची चळवळ उभी केली- उर्मिलाताई पवार
- by Adarsh Maharashtra
- Jan 09, 2023
- 254 views
मुंबई: ज्ञानज्योती, क्रांतीज्योती सावित्रीबाई ज्योतिराव फुले यांच्या जयंतीचे औचित्य साधून चारकोप येथील सम्यक समता प्रतिष्ठान संस्थेच्या वतीने "शैक्षणिक, सामाजिक, पोलीस दल, वैद्यकीय" क्षेत्रातील कर्मयोगी महिलांचा "क्रांतीज्योती २०२३" पुरस्कार देऊन सन्मान करण्यात आला. यंदाचा पुरस्कार पोलीस दलातील आपल्या धाडसी आणि जिगरबाज कामगिरीसाठी ओळखल्या जाणाऱ्या डॅशिंग महिला अधिकारी वरिष्ठ पोलीस निरीक्षक मंदाकिनी नरोटे, वैद्यकीय क्षेत्रात सामाजिक वसा जपत उल्लेखनीय कार्ये करण्याऱ्या डॉ. अनघा आवटे, शैक्षणिक व सामाजिक क्षेत्रात उल्लेखनीय योगदान देणाऱ्या निवृत्त मुख्याध्यापिका नंदाताई कांबळे, प्रशासकीय सेवेत असतानाही सामाजिक बांधिलकी जपणाऱ्या निवृत्त कस्टम अधीक्षक सुनंदा शिशुपाल आदी मान्यवरांना ज्येष्ठ साहित्यिक आयदानकार उर्मिलाताई पवार यांच्या हस्ते प्रदान करण्यात आला.
कार्यक्रमात
मार्गदर्शनपर भाषणात उर्मिलाताई पवार यांनी सावित्रीमाईंच्या
कार्य-कर्तुत्वाला उजाळा दिला.सावित्रीमाईंनी महिला सबलीकरणाची चळवळ उभी
केली. ही चळवळ सवित्रिमाईंच्या लेकीं पुढे नेत आहे याचा आम्हाला अभिमान आहे
असे म्हणत पुरस्कार्थी मान्यवरांचा गौरव केला. कार्यक्रमाचे अध्यक्षस्थान
दैनिक आदर्श महाराष्ट्रचे कार्यकारी संपादक ॲड.राहुल वारे यांनी भूषविले.
तर कार्यक्रमाचे सूत्रसंचालन संस्थेचे सचिव सी. ओ. ढीवरे यांनी केले. तर
मान्यवरांचे आभार सम्यक ज्येष्ठ नागरिक संघाचे अध्यक्ष अशोक कांबळे यांनी
मानले.
हा पुरस्कार सोहळा शनिवार , दिनांक ७
जानेवारी २०२३ रोजी जेतवन सांस्कृतिक केंद्र,बुद्ध विहार, चारकोप, कांदिवली
येथे संपन्न झाला. कार्यक्रमाला चारकोपवासियांचा भरघोस प्रतिसाद लाभला
होता. कार्यक्रम यशस्वी करण्यासाठी अरुण के. साळवी, अशोक कांबळे, रमेश
गणवीर, रवींद्र गजभिये, मिलिंद खरात, मधुकर ननावरे, बी. व्ही.घोसाळे,
भाऊसाहेब केदार, रघुनाथ शिरसाट, सुगंध आळेकर, जी.बी.वाघमारे, एस.एस.पगारे,
साहेबराव गांगुर्डे आदी मान्यवरांनी विशेष परिश्रम घेतले. तसेच जेतवन
सांस्कृतिक केंद्र महिला मंडळ, भारतीय बौद्ध महासभा चारकोप आणि गोराई
विभाग, सम्यक ज्येष्ठ नागरिक संघ, नवयान धम्मचक्र बुद्ध विहार आदी
संस्थांचे विशेष सहकार्य लाभले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम