अमरावती : महाराष्ट्र विकास आघाडी पक्षाचे राष्ट्रीय अध्यक्ष ऍड. अण्णाराव पाटील यांच्या वाढदिवसाच्या निमित्त वलगाव येथील संत  गाडगेबाबा वृद्धाश्रमात फळ वाटपाचा कार्यक्रम अमरावती शहर व जिल्हा महाराष्ट्र विकास आघाडी पक्षाच्या वतीने साजरा करण्यात आला.

याप्रसंगी, पक्षाचे महाराष्ट्र प्रदेशाध्यक्ष ऍड. नंदेश अंबाडकर यांच्या अध्यक्षतेखाली सदर कार्यक्रमाचे आयोजन करण्यात आले होते. प्रास्ताविक पक्षाचे विदर्भ अध्यक्ष प्रशांत गोंडसे यांनी केले. यावेळी प्रमुख अतिथी म्हणून पक्षाचे प्रदेश उपाध्यक्ष ओमप्रकाश अंबाडकर, प्रदेश मीडिया प्रमुख प्रभाकर वानखडे, पंजाबराव फरकाडे, प्राचार्य अरुण दहिकर, उद्योजक नंदकिशोर वाठा, पक्षाचे अमरावती शहर  अध्यक्ष मनोहर इंगळे, वृद्धाश्रमाचे संचालक डॉ. कैलास बोरसे, अंबादास तायडे,दर्शन नागापुरे,धीरज टवलारे, गंगाधर बावणे, नरेंद्र हंबर्डे, पुरुषोत्तम काकडे,अशोक गोंडाने, महेंद्र उमप करण ठाकरे आदी उपस्थित होते.

यावेळी पक्षाचे प्रदेशाध्यक्ष ऍड. नंदेश अंबाडकर यांनी पक्षाचे संस्थापक अध्यक्ष तथा सत्कारमूर्ती ऍड. अण्णाराव पाटील यांच्या जीवन कार्यावर प्रकाश टाकून पक्षाची भूमिका व उद्देश सांगून अनंत शुभेच्छा दिल्या. तसेच, मा. पाटील साहेब यांचा वाढदिवस राज्यातील सर्व जिल्हा व तालुका शाखे तर्फे विविध उपक्रम राबऊन साजरा करण्यात आल्याची माहिती दिली. उपस्थित पदाधिकारी, सदस्य यांचे आभार प्रभाकर वानखडे यांनी मानले.

सर्वेसर्वा आमचे नेते बहुजन नायक आदरणीय एडवोकेट अण्णारावजी पाटील यांच्या वाढदिवसा निमित्त आज नवी मुंबईमध्ये महानगरपालिकेच्या रुग्णालयात जाऊन रुग्णांना फळ वाटपाचा कार्यक्रम आयोजित करण्यात आला या कार्यक्रमात आपले महाराष्ट्र विकास आघाडीचे महिला व पुरुष कार्यकर्ते मोठ्या संख्येने उपस्थित होते