मुंबई (विश्वनाथ पंडित) जोगेश्वरी पूर्व येथील सामाजिक कार्यकर्ते,पत्रकार व शिक्षक गणेश हिरवे यांचा नुकताच जोगेश्वरी चे आमदार व माजी राज्यमंत्री रवींद्र वायकर यांच्या शुभहस्ते शामनगर तलाव, जोगेश्वरी पूर्व येथे रविंद्र वायकर यांनी आयोजित केलेल्या व तीस वर्षांची परंपरा असलेल्या कोकणी-मालवणी जत्रोत्सवात कोविड योद्धा सेवा पुरस्कार देऊन सन्मानित करण्यात आला. हिरवे सर पेशाने शिक्षक असले तरी त्यांचा पिंड हा सामाजिक कार्यकर्त्याचा राहिला आहे.विविध विषयांवर सातत्याने पत्रलेखन करणे, लेख-कविता लिहिणे, जनजागृतीची कामे, नागरीक कामे करणे, मोफत पुस्तक वाटप करणे, समुपदेशन करणे यासाठी ते नेहमीच धडपडत असतात. लॉकडाऊन काळातही त्यांनी वैयक्तिकरित्या आणि त्यांच्या जॉय संस्थेच्या माध्यमातून समाजातील जवळपास पाच-सहा हजार गोर-गरीब, वंचित, रोजंदारीवर काम करणारे मजूर, कुटुंब, आदिवासी विद्यार्थी यांना किराणा किट, आरोग्य किट, मास्क, सनितायझर वाटले, कोविड रुग्णांना सर्वतोपरी सहकार्य करणे अशी कामे केलेली आहेत. तसेच त्यांचे आपल्या घरगुती शुभकार्य निमित्ताने आणि सण-उत्सवा दरम्यान देखील त्यांचे वस्तू वाटप सुरूच असते. विशेष म्हणजे हिरवे यांनी लॉक डाऊन काळात स्वतः पुढाकार घेत पाच वेळा रक्तदान केले असून आतापर्यंत एकूण ३५ वेळा रक्तदान केलेलं आहे.हिरवे यांच काम खरंच वाखानन्याजोग असून मुंबई महाराष्ट्रतील अनेक संस्थांनी त्यांना पुरस्कार देऊन त्यांचा गौरव  केलेला आहे. आता पर्यंत त्यांना १२१ पुरस्कार आणि ७७ करोना योद्धा सन्मानपत्र प्राप्त झालेली असून हिरवे हे समस्त समाजासाठी एक आदर्श असे समाज भूषण असल्याचे अनेकांनी वेळोवेळी बोलून दाखविले आहे.हिरवे यांना मिळालेल्या या पुरस्काराबद्दल अनेकांनी त्यांचे अभिनंदन व कौतुक केले आहे. हा पुरस्कार मला आमच्या स्थानिक आमदार वायकर साहेब यांनी दिल्याने तो मला माझ्या माहेरच्या लोकांकडून  मिळाल्याचा अधिक आनंद असल्याचे हिरवे यांनी यानिमित्ताने सांगितले.यावेळी जोगेश्वरी विधानसभा संघटक विश्वनाथ सावंत, विधानसभा समन्वयक भाई मिर्लेकर, अनिल म्हसकर, आणि शिवसेनेचे अनेक पदाधिकारी महिला-पुरुष मान्यवर उपस्थित होते.