नाशिक: तुकाराम मुंढे यांची मुंबई मंत्रालयात बदली
मुंबई मंत्रालयात सहसचिवपदी नियुक्ती; लोकप्रतिनिधिच्या दबावापुढे मुख्यमंत्री झुकले
- by Adarsh Maharashtra
- Nov 22, 2018
- 1100 views
मुंबई- नाशिक महापालिकेचे आयुक्त तुकाराम मुंढे यांची मुंबईत मंत्रालयात सहसचिवपदी बदली झाली आहे. नियोजन विभागाच्या सहसचिवपदी बदली केल्याचे पत्र तुकाराम मुंढे यांना प्राप्त झाले आहे. नाशिकच्या जिल्हाधिकाऱ्यांकडे पदभार सोपवून नियुक्तीच्या ठिकाणी जाण्याचे निर्देशही मुंढे यांना देण्यात आले आहेत. उस्मानाबादचे जिल्हाधिकारी राधाकृष्ण गमे नाशिक महानगरपालिकेचा पदभार स्वीकारणार आहेत.
मुंबईतील नियोजन विभागाचे सहसचिवपद रिक्त असल्याने तिथे मुंढे यांची वर्णी लावण्यात आली. अपर मुख्य सचिव (सेवा) सीताराम कुंटे यांची स्वाक्षरी असलेले पत्र तुकाराम मुंढेंना देण्यात आलं. यापूर्वी 2010 आणि 2012 मध्ये त्यांची बदली मुंबईत झाली होती. लोकप्रतिनिधी आणि मुंढे यांच्यातील टोकाच्या संघर्षानंतर मुंढेंची उचलबांगडी झाल्याची चर्चा आहे.
नाशिकचा चेहरामोहरा बदलण्यासाठी मुख्यमंत्री देवेंद्र फडणवीसांनी तुकाराम मुंढेंकडे महापालिका आयुक्तपदाची जबाबदारी सोपवली होती. परंतु नाशिक मनपात सत्ताधारी भाजप विरुद्ध मुंढे असा संघर्ष काही दिवसांपासून सुरु हाेता. यातूनच अाॅगस्ट महिन्यात मुंढे यांच्याविराेधात अविश्वास ठरावाचे अस्त्र भाजप नगरसेवकांनी उपसले हाेते. मात्र मुख्यमंत्र्यांनी पक्षाच्या नेत्यांना समज देत हा ठराव मागे घ्यायला लावला हाेता.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम