कळंबोली : पोलीस म्हटलं की समाजाच्या संरक्षणासाठी दिवसरात्र राबणारी यंत्रणा, सामाजिक शांतता प्रस्थापित करण्यासाठी तत्पर असणारी यंत्रणा अशी सर्वसाधारण ओळख आहे. पण त्यापलीकडे ही आपले कर्तव्य आणि जबाबदारी ओळखून नवी मुंबई पोलीस आयुक्तालय अंतर्गत कळंबोली पोलीस ठाण्याचे व.पो.नि संजय पाटील यांच्या नेतृत्वाखाली नवीन सुधागड एज्युकेशन हायस्कूल कळंबोली येथे भव्य रक्तदान महोत्सव शिबीराचे आयोजन केले आहे. शनिवारी व रविवार असे दोन दिवस हे शिबीर राबविण्यात आले आहे. यावेळी रक्तदान महाउत्सवाला उत्सफूर्त प्रतिसादही मिळाला.

यावेळी भव्य रक्तदान महाउत्सवाचे उद्घाटन नवी मुंबई पोलीस आयुक्त बिपीन कुमार सिंह यांच्या शुभहस्ते रिबीन कापून करण्यात आले. याप्रसंगी परिमंडळ २ चे पोलीस उपायुक्त शिवराज पाटील, सहाय्यक पोलीस आयुक्त पनवेल भागवत सोनावणे, कळंबोली पोलीस ठाण्याचे वरिष्ठ पोलीस निरीक्षक संजय पाटील, सुधागड हायस्कूल प्राचार्य राजेंद्र पालवे, डॉ.रुपेश वडगावकर, सामाजिक कार्यकर्ते, राजकीय, विविध संस्थाचे प्रतिनिधी सदस्य यावेळी उपस्तित होते.