पार्कसाईड रस्त्याच्या दुरुस्तीसाठी भाजपाचे आंदोलन
आनंदगड नाका ते स्मशानभूमीचा रस्ता सीसी झालाच पाहिजे या मागणीसाठी पंधरा दिवस घेणार स्वाक्षरी मोहीम
- by Reporter
- Feb 21, 2021
- 382 views
घाटकोपर,(निलेश मोरे) विक्रोळी पार्कसाईड येथील रस्त्याची मागच्या काही वर्षापासून दुरवस्था झाली आहे. रस्त्याच्या उजव्या आणि डाव्या भागातील गटारावर अनधिकृत बांधकामे झाल्याने परिणामी कोणती घटना घडल्यास अग्निशमन दलाच्या गाड्या , एमबुलन्सला आत येणे अवघड होते. तसेच अनधिकृत बांधकामामुळे रस्त्याकडील गटाराचे सांडपाणी रस्त्यावर येत असल्याने मोठ्या प्रमाणात दुर्गंधी देखील पसरत आहे. त्यामुळे स्थानिक रहिवाशी त्रस्त असून गेल्या काही वर्षांपासून या रस्त्याचे आनंदगड नाका ते स्मशानभूमी रोडचे सिमेंट कॉक्रीटीकरण करण्यात यावे या मागणीसाठी भाजपा आक्रमक झाली असून वार्ड क्रमांक 123 चे वार्ड अध्यक्ष संदीप त्रिपाठी यांच्या नेतृत्वा खाली आज दि 21 फेब्रु रोजी सांय 5 वाजता आनंदगड नाका येथे आंदोलन करण्यात आले. या आंदोलनात स्थानिक राहिवाशांसह भाजपा जिल्हा महामंत्री चंद्रकांत मालकर , वकील यादव , घाटकोपर मंडळ अध्यक्ष अनिल निर्मळे , महामंत्री नीलम पांडे , मनीषा भांडारकर , रवींद्र शिगवण आदी उपस्थित होते. दरम्यान या रस्त्याच्या सीसीरोड साठी दोन महिन्यांपूर्वी स्वाक्षरी मोहीम घेऊन महानगर पालिकेकडे या स्वाक्षरीमोहीम पाठवण्यात आल्या होत्या पालिकेकडून या रस्त्याचे टेंडर पास झाले असून लवकरच या रस्त्याचे बांधकाम सुरू होईल असे सांगण्यात आल्याचे वार्ड अध्यक्ष संदीप त्रिपाठी यांनी सांगितले मात्र अद्याप तशी परिस्थिती दिसत नाही. तीन महिन्या नंतर पावसाळा सुरू होईल फंड पास होऊन देखील रस्ता बनवायला इतका उशीर का असा सवाल त्रिपाठी यांनी केला आहे. या रस्त्याचे बांधकाम लवकरात लवकर व्हावे यासाठी सोमवार दिनांक 22 फेब्रुवारी पासून दररोज सांय 5 वाजता रोज पंधरा दिवस आम्ही स्वाक्षरी मोहीम घेणार असल्याचे त्रिपाठी यांनी प्रतिक्रिया घेताना सांगितले.
रिपोर्टर