यशवंतराव चव्हाण प्रतिष्ठानमध्ये पुणे ५२ चे सादरीकरण
- by Adarsh Maharashtra
- Feb 12, 2021
- 1277 views
मुंबई :यशवंतराव चव्हाण प्रतिष्ठानचा रंगस्वर विभाग आणि प्रभात चित्र मंडळ यांच्या संयुक्त विद्यमाने शनिवार दिनांक २७ फेब्रुवारी २०२१ या दिवशी सायंकाळी साडे सहा वाजता निखिल महाजन दिग्दर्शित सुप्रसिद्ध मराठी चित्रपट `पुणे ५२'चे आयोजन करण्यात आले आहे. या चित्रपटाचे प्रदर्शन रंगस्वर सभागृह, यशवंतराव चव्हाण प्रतिष्ठान, जनरल जगन्नाथराव भोसले मार्ग, नरीमन पॉईंट येथे होणार असून प्रभात चित्र मंडळ आणि रंगस्वरच्या सभासदांना प्राधान्याने प्रवेश दिला जाणार आहे.
भारतीय प्रेक्षकांना प्रचलित असलेल्या चित्रपटांच्या धाटणीचा हा चित्रपट नाही. त्यामुळे हा चित्रपटाचा विषय, त्याची पटकथा आणि त्याची हाताळणी या सर्वच बाबींवर हा चित्रपट वेगळा ठरतो. स्वातंत्र्योत्तर भारताच्या इतिहासाकडे नजर टाकली, तर काही महत्त्वाचे टप्पे नजरेआड करून चालणार नाहीत. सनातनी विचारांच्या पुण्यातही बदल होत होतेच. नेमका हाच बदलाचा कॅनव्हास मागे ठेवून निखिल महाजन या दिग्दर्शकानं ‘पुणे ५२’ चितारलं आहे. चित्रपटाची नेमकी कथा म्हणजे अमर आपटे या खासगी गुप्तहेराची आहे. अमरकडे नेहा साठे एक केस घेऊन येते. तिला तिचा नवरा, बिल्डर प्रसाद याच्यापासून सुटका हवी आहे आणि त्यासाठी अमरने तिला मदत करावी, अशी तिची इच्छा आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम