मुंबई - पोलिसांवर खोटे-नाटे आरोप करून पोलिसांचे खच्चीकरण केले जाते आहे. पोलिसांवर हल्ले होत आहेत. हल्लेखोर दोन दिवसात जामिनावर सुटत आहेत.ब्रिटिश कालीन कायदे कुचकामी ठरत आहेत त्यामुळे पोलीस,डॉक्टर व अन्य लोक-सेवकांवर हल्ले करणाऱ्यांना आयुष्यभराची जरब बसावी असे नविन कायदे होणे गरजेचे आहे. त्यासाठी विशेष न्यायालये होणेही गरजेचे आहे. असे मत बृहन्मुंबई पोलीस आयुक्त पुरस्काराने सन्मानित दीपक शिरवडकर यानी व्यक्त केले.

लोकसेवकावर हल्ला झाल्यास भारतीय दंड संहिता कलम ३५३ या सन१८६० सालातील कलमाचा आजही वापर होतो.हे कायदे आता कालबाह्य ठरत आहेत. आज सोशल मीडियामुळे एखाद दुसऱ्या पोलिसांच्या वाईट गोष्टी व्हायरल केल्या जातात,पोलिसांची बदनामी केले जाते. पोलिसांची चांगली बाजू समाजासमोर आणली जात नाही.हे समाज हिताचे नाही. पोलिसांवरील हल्ला करणाऱ्यांना मरेपर्यंत शिक्षा झाली पाहिजे असे मत ही दीपक शिरवडकर यानी व्यक्त केले.

वाहतूक शाखेचे पोलीस हवालदार एकनाथ पारठे यांच्यावर सादविका तिवारी व तिचा बॉयफ्रेंड मोहसीन निजामउद्दीन खान यानी हल्ला केला.त्या हल्लेखोरांना अटकही झाली अन् दोन दिवसात जामिनावर त्यांची सुटकाही झाली. लोकसेवकांवर हल्ला करणाऱ्यांना जामीन मिळतो त्यामुळे कर्तबगार लोकसेवकांचे मनोबल ढासळते सन २०१४ मध्ये डोंगरी पोलीस स्थानकाच्या हद्दीत अजय गावंड ह्या पोलिसास हल्लेखोरांच्या हल्ल्यात प्राण गमवावा लागल्याची घटना आहे.आझाद मैदानात मोर्चेकऱ्यानी महिला पोलिसांना टार्गेट केले होते.असे एक न अनेकवेळा पोलिसांवर हल्ले झाले आहेत व होत आहेत. अपप्रवृत्तींना पोलीस हे रक्षक वाटत नाहीत. पोलिसांच्या सुरक्षेचा प्रश्न पुन्हा एकदा एैरणीवर आला आहे. पोलिसांवर हल्ले करणारे,त्यांचा जीव घेणारे आरोपी दोन दिवसात सहीसलामत सुटत असल्याने,त्यांना जन्मठेपेसारखी शिक्षा होत नसल्याने भविष्यात कायदा-सुव्यवस्थेचा प्रश्न निर्माण झाल्यास दोष कोणाचा? अशी खंत ही बृहन्मुंबई पोलीस आयुक्त सन्मानित दीपक शिरवडकर यानी व्यक्त केली.