मुंबई, दि ३ : पावसाळ्यात विहार तलावातून ओसंडून जाणारे पाणी आता भांडुप येथील जलशुद्धीकरण केंद्राकडे तसेच ऐरोली येथील खाडीकडे वळवण्याचा पालिका विचार करत असून  पावसात मिठी नदीला येणार पूर टाळता येऊ शकेल यासाठी या कामाचा अभ्यास करण्यासाठी पालिका सल्लागार नेमणार आहे . व त्यासाठी अडीच कोटींचा खर्च करणार आहे . 

मुंबई शहराच्या पिण्याच्या पाण्याची मागणी शहरामधील व शहराभहेरील सात धरणां मधून केली जाते . या सात तलावांपैकी तुलसी व विहार तलाव शहराच्या मध्यभागी आहेत . विहार तलाव हा भांडुप संकुला जवळ आहे , तसेच मिठी नदीचा उगम हा विहार तलाव भरून वाहून जाणाऱ्या पाण्यामुळे होतो . पावसाळुयात तर विहार तलाव भरून वाहिल्यामुळे मिठी नदीस पूर येतो . एकाच वेळेस जोरात येणार पाऊस , समुद्राची मोठी भरती व विहार तलावाचे ओसंडून जाणारे पाणी यामुळे मुंबईत पूरसदृश परिस्तिथी निर्माण होते , त्यामुळे मिठी नदीमधील हे ओसंडून जाणारे पाणी अन्यत्र वळवणे शक्य झाल्यास मुंबई मधील पूर परिस्तिथी निर्माण होण्याचे प्रमाण कमी होणार आहे पावसाळी हंगामात विहार तलावाचे ओसंडून वाहणारे पाणी भांडुप संकुल जलशुद्धीकरण केंद्रात अथवा ऐरोली खाडीकडे वाहून नेण्याच्या शक्यतेचा अभ्यास करण्यासाठी सल्लागार नेमण्यात येणार आहे यासाठी पालिका २ कोटी ८३  लाख  खर्च करणार आहे . हे काम  टाटा कन्सल्टिंग इंजिनियर्स ली करणार आहे . हि कंपनी येत्या सहा महिन्यात आपला अहवाल पालिकेला सादर करणार आहे .