मुंबई (जीवन तांबे)  गेल्या कित्येक वर्षांपासून काँग्रेस पक्षाच्या जवळपास ४० वर्षांहून अधिक काळ काँग्रेस पक्षाच्या सक्रीय असलेले माजी सामाजिक न्याय मंत्री चंद्रकांत हंडोरे गेल्या काही काळापासून पक्षावर नाराज आहेत. पक्ष नेतृत्वाकडून आपल्याला डावललं जात असल्याने नाराज हंडोरे समविचारी पक्षात जाणार का?  स्वतंत्र पक्ष स्थापणार अशा चर्चेनं जोर धरला आहे. 

दलित पँथर चळवळ पासून आंबेडकरी चळवळीत गेले ४५ वर्षा पासून सक्रिय असलेले चंद्रकांत हंडोरे नगरसेवक बनले. मुंबई महापालिकेत काँग्रेसची सत्ता आल्यावर रिब्लिकन पक्षाने त्यांना प्रथमच महापौर बनविले.मुंबईचे महापौर पदाची भूमिका जबाबदारीने संभाळल्यानंतर हंडोरे रिब्लिकन पक्षाला रामराम करून काँग्रेस पक्षाची कास धरली आणि प्रथम विधानसभेत आमदार म्हणून निवडून गेले होते.राज्यात काँग्रेस पक्षाचे सरकार सत्तेवर आल्यावर त्यांना काँग्रेसने समाजकल्याण पदाची जबाबदारी दिली ती त्यांनी समर्थपणे  व संभाळली खऱ्या अर्थाने त्यांनी सामाजिक न्याय विभागाला न्याय देण्याचे काम केले.

गेल्या दोन विधान सभा निवडणुकीत काँग्रेस पक्षाने चेंबूर मतदार संघातून त्यांना उमेदवारी परंतु दोन वेळा पराभव पत्करावा लागला. 

काँग्रेस पक्षात असतानाच त्यांनी  आपली स्वतःची ताकद निर्माण करण्याकरिता भीमशक्ती संघटनेची स्थापना केली. या संघटनेचे जाळे त्यांनी महाराष्ट्रभर पसरविले आहे.आज ही भीमशक्ती संघटनेचे कार्यकर्ते मोठ्या संख्येने महाराष्ट्रात आहेत.मात्र गेल्या दहा वर्षापासून काँग्रेस पक्षात दलित नेते असलेले हंडोरे यांना पक्ष सतत डावलत असल्याने ते नाराज आहेत.

त्यांच्या भीमशक्ती संघटनेतील कार्यकर्त्यांना कोणत्याही महामंडळावर, विविध समित्या मध्ये वाटा देत नसल्याने कार्यकर्ते ही नाराज असल्याची चर्चा आहे.जर आपल्याला सतत पक्ष डावळत असेल तर या पक्षात राहून फायदा काय? असा प्रश्न त्यांना व कार्यकर्त्यांना पडला आहे.नाराज काँग्रेस पक्षाला रामराम देणार की स्वत्रांत पक्ष स्थापन करणार या कडे सर्वांचे लक्ष लागले आहे. 

मात्र 'भीमशक्ती' वंचित, अत्याचाराने त्रस्त समाजाला न्याय मिळवून देण्यासाठी राष्ट्रीय स्तरावरील समविचारी आणि धर्मनिरपेक्ष पक्षासोबत आघाडी करण्याचा विचारही करीत आहे.

आपल्याला दलीत चेहरा नसलेल्या पक्षां कडून सतत ऑफर येत असल्याचे त्यांनी सांगितले.

परंतु काँग्रेस सोडल्यानतंर कोणत्या पक्षा सोबत जाणार या बाबत  सांगण्यास नाराज असलेले  हंडोरे यांनी सांगण्यास टाळले.