आमदार मिहिर कोटेचा यांच्या नेतृत्वाखाली भाजपातर्फे स्वच्छता अभियान संपन्न
- by Adarsh Maharashtra
- Nov 02, 2020
- 1007 views
मुलुंड:(शेखर भोसले) मुलुंड पूर्व द्रुतगती मार्गावर असलेल्या मोरया तलावात
मोठ्या प्रमाणात होणाऱ्या गणपती, देवी विसर्जनामुळे तसेच तेथेच होणाऱ्या श्राद्ध विधी सारख्या अनेक धार्मिक विधीमुळे हार-फुलांचे निर्माल्य, नारळ व इतर कचरा तलावात तसेच तलावाच्या काठावर प्रचंड प्रमाणात जमा झाल्याने या तलावाची व तलाव परिसराची स्वच्छता मुलुंडचे आमदार मिहीर कोटेचा यांच्या नेतृत्वाखाली मुलुंड भाजपातर्फे रविवार दि १ नोव्हेंबर रोजी हाती घेण्यात आले होते. यावेळी आमदार मिहीर कोटेचा यांनी स्वतः हातात झाडू घेवून या अभियानात भाजपा पदाधिकारी व कार्यकर्त्यांसह सहभागी होवून तलाव व तलाव परिसर स्वच्छ केला.
मोरया तलाव परिसरात असणाऱ्या उद्यानात फेरफटका मारण्यासाठी मुलुंडमधील जेष्ठ नागरिक, महिला वर्ग तसेच अनेक सामान्य नागरिक येत असतात. या तलावात विसर्जित करण्यात येत असलेल्या मुर्त्या, गरबाची मडकी, नारळ व इतर निर्माल्यामुळे येथील पाण्याला गेल्या काही दिवसांपासून भयंकर दुर्गंधी येत होती. तसेच तेथे सर्वत्र पसरलेल्या कचऱ्याचा सर्वांनाच भयंकर त्रास होत होता. यासंबंधीच्या तसेच येथील गैरसोयीच्या अनेक तक्रारीं टी वार्ड पालिका प्रशासन, नगरसेवक, आमदार यांच्याकडे स्थानिकांकडून करण्यात आल्या होत्या. त्याच अनुषंगाने मुलुंड भाजपाच्या वतीने आमदार मिहिर कोटेचा यांच्या नेतृत्वाखाली १ ऑक्टोबर रोजी तलाव स्वच्छता अभियान घेण्यात आले होते. आमदार मिहीर कोटेचा हे स्वतः हातात झाडु घेवून या अभियानात साफ सफाई करताना दिसत होते त्यामुळे कार्यकर्त्यांनी देखील उत्साहात या अभियानात सक्रिय सहभागी होवून तलाव व तलाव परिसरात साफसफाई केली. संध्याकाळी ४ ते ६.३० यावेळेत तलावाच्या काठावरील सर्व परिसर कार्यकर्त्यांनी स्वच्छ केला.
भाजप पदाधिकारी, पुरुष व महिला कार्यकर्ते मोठ्या संख्येने या अभियानात सहभागी झाले होते. तलाव परिसरात व उद्यानात फेरफटका मारायला येणाऱ्या व जॉगिंगला येणाऱ्या नागरिकांनी येथील स्वच्छतेबद्दल आमदार मिहिर कोटेचा यांचे कौतुक केले असून या स्तुत्य उपक्रमाबद्दल आभार मानले आहे. 
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम