मुंबई(प्रतिनिधी) भिम आर्मीचे सुप्रीमो संविधान रक्षक भाई चंद्रशेखर आझाद आणि राष्ट्रीय अध्यक्ष भाई विनय रतन सिंह जींच्या नेतृत्वाखाली संपूर्ण देशभरात भिम आर्मी झपाट्याने पसरत असून , भिम आर्मीच्या होणाऱ्या आंदोलनांचा प्रभाव भारतभरातील जनमाणसांवर प्रचंड प्रभाव पडत असून अनेक राजकीय पक्षाचे आणि सामाजिक संघटनांचे कार्यकर्ते मोठ्या प्रमाणात भिम आर्मी मध्ये प्रवेश करीत आहेत.महाराष्ट्रातील ठाणे जिल्ह्यात सुद्धा भिम आर्मीचे महाराष्ट्र राज्य प्रचार-प्रसिद्धी प्रमुख आणि ठाणे जिल्हाप्रमुख भिमपँथर मा.राजेश गवळी यांच्या झंझावाती नेतृत्वाखाली आणि महाराष्ट्र राज्य महासचिव मा.सुनीलभाऊ गायकवाड यांच्या प्रमुख उपस्थितीत भिवंडी ह्या ऐतिहासिक शहरात  भिम आर्मी मध्ये रिपब्लिकन पार्टी ऑफ इंडियाचे ( A ) भिवंडी शहरप्रमुख मा.अंजुमभाई शेख यांनी आपल्या असंख्य कार्यकर्त्यांसह जाहीर प्रवेश केला.शहरप्रमुख अंजुमभाई शेख यांच्यासोबत आरपीआयचे भिवंडी शहर महासचिव मा.सोहेबभाई मोमीन आणि कार्याध्यक्ष मा.मोबिनभाई भुरा यांनी सुद्धा भिम आर्मी मध्ये जाहीर प्रवेश केला.

ह्या प्रवेश समारंभावेळी भिमपँथर मा.राजेश गवळी , मा.सुनीलभाऊ गायकवाड यांचेसह ठाणे जिल्हा महासचिव मा.विजयजी गरुड , उल्हासनगर शहरप्रमुख मा.कुमारभाई पंजवाणी , कल्याण लोकसभा क्षेत्र महासचिव मा.रविंद्रजी साळवे , मुंबई प्रदेश संघटक भीमटायगर मा.किसनभाई ओव्हाळ आणि ज्युनियर लक्ष्मीकांत बेर्डे असणारे अभिनेते राहुलकुमार आणि इतर मान्यवर उपस्थित होते , अशी माहिती भिमपँथर मा.राजेश गवळी यांनी दिली आहे.