मुंबई : शिक्षणक्षेत्रात अनेक वर्षे चळवळी, आंदोलने, निदर्शने, संप अशा विविध माध्यमांतून शिक्षकांच्या प्रश्नांना वाचा फोडणारे असे उच्चविद्याविभूषित डॉ. श्री. राजू बंडगर यांची भाजपा शिक्षक आघाडी मुंबई प्रदेश अध्यक्ष या पदावर नियुक्ती करण्यात आली. डॉ. राजू बंडगर यांनी मुंबई पदवीधर मतदार संघाची निवडणूक लढवलेली आहे. ते स्वतः लेखक असून त्यांची अनेक शैक्षणिक पुस्तके प्रकाशित आहेत.प्रहार, लोकसत्ता, सकाळ, महाराष्ट्र टाइम्स अशा विविध वृत्तपत्रांमधून त्यांचे शैक्षणिक लेख प्रकाशित झालेले आहेत. शिक्षणक्षेत्रातील कार्याबद्दल कर्मवीर भाऊराव पाटील राज्यस्तरीय आदर्श शिक्षक पुरस्कारानेही त्यांना गौरवण्यात आलेले आहे.

भारतीय जनता पक्षाने सोपवलेली ही जबाबदारी म्हणजे माझ्यासारख्या कार्यकर्त्याचा सन्मान असून मुंबईमधील प्रत्येक शाळा - महाविद्यालयामध्ये संघटना पोहोचवण्याचे तसेच शिक्षण, शिक्षक, शिक्षकेतर कर्मचारी, विद्यार्थी व पालक अशा सर्वांचे प्रश्न सोडवण्यासाठी आपण कटिबद्ध आहोत. तसेच शिक्षणक्षेत्रातील प्रलंबित प्रश्न मार्गी लावण्यासाठी तातडीने काम सुरू करणार असल्याचे याप्रसंगी डॉ. राजू बंडगर यांनी सांगितले. 

महाराष्ट्राचे माजी मुख्यमंत्री व खासदार मा. श्री. नारायणराव राणे , आमदार मा. श्री. नितेश राणे , मा. खासदार मा. श्री. निलेश राणे यांच्या आशीर्वाद व मार्गदर्शनाने पुढील वाटचाल करणार असल्याचेही त्यांनी सांगितले.