प्रजा फाऊंडेशनने केलेल्या नगरसेवकांच्या सर्वेक्षणात मुलुंडचे नगरसेवक प्रभाकर शिंदे पहिल्या १० मध्ये
- by Adarsh Maharashtra
- Oct 26, 2020
- 582 views
मुलुंड: (शेखर भोसले)प्रजा फाऊंडेशन या स्वयंसेवी संस्थेने सादर केलेल्या अहवालात महापालिकेत चांगली कामगिरी करणाऱ्या पहिल्या १० नगरसेवकांत मुलुंड पूर्वच्या विभाग क्र १०६ चे नगरसेवक प्रभाकर शिंदे यांचा समावेश झाला आहे. १०० पैकी ७७.११ गुण मिळवून मुंबई महानगर पालिकेच्या २२७ नगरसेवकांमध्ये त्यांचा ९ वा क्रमांक लागला आहे.
प्रजा फाऊंडेशनतर्फे प्रत्येक वर्षी प्रत्येक नगरसेवकाच्या वर्षभराच्या कार्याचा आलेख तसेच त्यांनी केलेल्या कामगिरीची श्वेत पत्रिका काढली जाते असते. मुंबईच्या विकासपर्वाचा दृष्टीकोन डोळ्यासमोर ठेऊन काम करणाऱ्या नगरसवेकांची सभागृहातील उपस्थिती, विभागातील कामे, विचारलेल्या प्रश्नांची संख्या आणि त्या प्रश्नांचा दर्जा, शैक्षणिक पात्रता तसेच गुन्हेगारीची नोंद या सर्वांचा विचार करून हे रँकिंग प्रजा फाऊंडेशन कडून केले जाते व त्यात वर्ष २०१९-२०२० या सालासाठी केलेल्या सर्वेक्षणात मुलुंडचे नगरसेवक प्रभाकर शिंदे यांनी उल्लेखनीय कार्य केले असल्याने त्यांचा ९ वा क्रमांक आला आहे.
मुलुंड शहरातील पायाभूत सुविधा, नागरिकांचे प्रश्न तसेच स्थानिक प्रश्न सोडविण्यासाठी महापालिकेत प्रश्न उपस्थित करणाऱ्या भाजपा नगरसेवक प्रभाकर शिंदे यांना प्रजा फाऊंडेशनने केलेल्या या सर्वेक्षणात उत्कृष्ट रँकिंग मिळून पहिल्या १० मध्ये त्यांचा समावेश झाल्याबद्दल विभागातील भाजपा कार्यकर्त्यांनी, जेष्ठ नागरिकांनी, समाज बांधवांनी व त्यांच्या समर्थकांनी त्यांचे अभिनंदन केले असून मुंबईतील २२७ नगरसेवकांमधून मुलुंडच्या नगरसेवकांचा पहिल्या १० नगरसेवकात समावेश होणे ही मुलुंडकरांसाठी निश्चितच अभिमानाची गोष्ट असल्याची प्रतिक्रिया यानिमित्ताने दिल्या आहेत
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम