सेवाराम फाऊंडेशनतर्फे मास्क व एंटीसेप्टिक लिक्विडचे वाटप
- by Adarsh Maharashtra
- Oct 25, 2020
- 908 views
मुलुंड :(शेखर भोसले) कोरोना व्हायरसचा संसर्ग फैलावू नये यासाठी शासनाने लावलेल्या लॉकडाऊनमुळे हातावर पोट असणाऱ्या कामगारांना सर्वात जास्त फटका बसला असून, हलाखीचे जीवन जगणाऱ्या या कामागारांवर बेकारीची कुऱ्हाड कोसळली आहे. या कामगारांसाठी गेल्या ७ महिन्यांपासून मुलुंड मधील सेवाराम फॉउंडेशन सदैव मदतीचा हात पुढे करत आली आहे. दि २४ ऑक्टोबर रोजी मुलुंड पश्चिम येथील सेवाराम फॉउंडेशनतर्फे त्यांच्या मुलुंड पश्चिम येथील कार्यालयात मुलुंडमधील ३०० हून अधिक बेकार, गरजू कामगारांना मास्क व एंटीसेप्टिक लिक्विडचे मोफत वाटप करण्यात आले.
या आधीही सेवाराम फॉऊंडेशनच्या माध्यमातून अनेक सामाजिक कार्य लॉकडाऊनच्या कार्यकाळात करण्यात आली आहेत. कोरोना व्हायरसचा प्रादुर्भाव वाढू नये यासाठी अनेक विभाग सॅनिटायझ करणे, गरजूंना जेवण वाटप करणे, धान्य वाटप करणे, इत्यादी कार्ये करण्यात आली आहेत. त्यांच्या या कामाचे मुलुंडकरांकडून देखील कौतुक करण्यात आले आहे.
"लॉकडॉउनच्या काळात गरजू लोकांना मदत करणे हे आपले कर्तव्य आहे. यामुळे या काळात अनेक गरजूंना आम्ही मदत करत आलो आहोत. आज आम्ही मुलुंड भागात मास्क व एंटीसेप्टिक लिक्विड वाटप केले. जोपर्यत लॉकडाऊन आहे तोपर्यंत आम्ही निरनिराळ्या सामाजिक उपक्रमांद्वारे गरजूंपर्यत मदत पोहोचवणार आहोत", असे सेवाराम फाऊंडेशनचे अध्यक्ष भरत अमेसर यांनी सांगितले. या वेळी संस्थेच्या महिला उपाध्यक्षा अश्विनी पोछे, समन्वयक नलिनी, कार्यकारी अध्यक्ष चिदंबर सुवर्णा, अजय सिंग, खजिनदार दिनेश रेवप्पा, सचीव जयेश जाला व प्रशांत चव्हाण उपस्थित होते.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम