मुंबई(प्रतिनिधी) राजकारणात डाव प्रतिडाव हे चालूच रहातात.सत्तासुंदरी मिळविण्या साठी सगळ्यांचाच आटापिटा सुरू असतो पण हे सगळे करीत असताना भारतीय सभ्यतेचे आणि नैतिकतेचे आचरण होणे तितकेच महत्वाचे असून , भारतीय राजकीय क्षेत्र कधी नव्हे ते आता अविश्वसनीय आणि विकृतीचा अड्डा बनत चाललाय की काय अशी भीती व्यक्त करून भिम आर्मीचे महाराष्ट्र राज्य प्रचार-प्रसिद्धी प्रमुख भिमपँथर मा.राजेश गवळी यांनी सध्याच्या दर्जाहीन भारतीय राजकारणावर सडकून टीका केली.भिमपँथर मा.राजेश गवळी पुढे म्हणाले की , सर्व भारतीयांना कोरोना विरोधी लस रास्त आणि न्याय्य पद्धतीने देण्याचे नियोजन करण्याऐवजी भाजपने बिहार निवडणुकीसाठीच्या जाहीरनाम्यात लसीचे राजकारण केले आहे. महामारीच्या काळातसुद्धा राजकीय फायद्याकरिता एका राज्याला विशेष वागणूक देणे पूर्णपणे अन्यायकारक, बेकायदेशीर आणि अमानुष असून भारतीय संघराज्यात भेदभाव करण्याचा अधिकार ह्या राजकारण्यांना दिलाय कोणी असा संतप्त सवाल भिमपँथर मा.राजेश गवळी यांनी केला आहे.

भारतीय समाजात आणि संघराज्यात भेदभाव करणारे विधान अतिशय बालिशपणाचे आणि अविवेकशीलतेचे लक्षण असून निर्मला सीतारामन सारख्या देशद्रोही वक्तव्य करणाऱ्या अपरिपक्व व्यक्ती भारताच्या अर्थमंत्री पदासारख्या महत्वाच्या पदावर आहेत ,हेच आमच्या देशाचे दुर्दैव असून अश्या बेजबाबदार अर्थमंत्र्यांनी देशाची माफी मागून आपल्या पदाचा राजीनामा द्यावा असेही भिमपँथर मा.राजेश गवळी यांनी आपल्या पत्रकात म्हंटले आहे.