मुलुंड, भांडुप विभागातून दोन विषारी मण्यार साप आणि अजगराला दिले जीवनदान
- by Adarsh Maharashtra
- Oct 21, 2020
- 1361 views
मुलुंड : (शेखर भोसले) मुलुंड येथील डम्पिंग रोड परिसरातील बुद्ध चाळीतील रहिवाशी विजय चव्हाण यांना त्यांच्या चाळीमध्ये तसेच दुसऱ्या एका घटनेत भांडुप विभागातील ईश्वर नगर या चाळीतील रहिवाशी लवेश घोटकर यांना त्यांच्या परिसरात साप दिसल्याने त्यांनी पॉज-मुंबईच्या दूरध्वनी क्रमांकावर संपर्क साधून प्राणीमित्रांना हे साप पकडण्याची विनंती केली. त्यानुसार पॉज-मुंबईचे स्वयंसेवक प्राणीमित्र हसमुख मारुती वळंजू यांनी घटनास्थळी पोहचून पाहणी केली असता त्यांना विषारी प्रजातीचा मण्यार साप या दोन्ही ठिकाणी आढळून आले. त्या दोन्ही सापांना चलाखीने पकडून सुखरूपपणे रेस्क्यू करण्यात आले.
तसेच भांडुप विभागातील जल शुद्धीकरण केंद्रातील पंपाजवळ एक भला मोठा अजगर बसला असल्याचे तेथील कर्मचारी निलेश गोपणेर यांनी सांगितले असता तेथे प्राणीमित्रांनी भेट देवून अजगराला व्यवस्थित रित्या पकडून रेस्क्यू करण्यात आले. या तिन्ही सापांना वैद्यकीय तपासणीसाठी डॉ. राहुल मेश्राम यांच्याकडे नेऊन तपासणी केली असता तीनही सापांची प्रकृती सुदृढ असून वन विभागाला कळवून निसर्गाच्या सान्निध्यात सोडण्यात आल्याचे समजले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम