चालत्या बसमध्ये बसचालकाला हृदयविकाराचा झटका आल्याने बस सिग्नलला धडकली.
- by Adarsh Maharashtra
- Oct 20, 2020
- 1074 views
मुलुंड :(शेखर भोसले) बेस्टच्या बस क्रमांक ३८१ या घाटकोपर आगार ते टाटा पॉवर हाऊस, चेंबूरकडे जाणाऱ्या बसच्या चालकाला हृदयविकाराचा झटका आल्याने ही बस चेंबूर येथील बसंत पार्कच्या सिग्नलला धडकली. बस चालकाची प्रकृती आता स्थिर असून बसमधील सर्व प्रवासी सुखरूप असल्याचे समजले आहे.
मंगळवार दि २० ऑक्टोबर रोजी सकाळी ११ वाजून १० मिनिटांनी ही घटना घडली. चेंबूरच्या बसंत पार्क सिग्नल जवळ बस आली असता बसचे चालक हरिदास पाटील (क्र ९१२८५) यांना हृदयविकाराचा झटका आल्याने त्यांचा बसवरील ताबा सुटला व ही बस तेथील पदपथावरील भाजीच्या दुकानात घुसली आणि बसंत पार्कच्या सिग्नलला धडकून थांबली. या बसमध्ये एकूण ९ प्रवाशी होते, त्यापैकी एकजण पोलिस होता. त्यांनी पोलिसांची गाडी मागून बस चालक हरिदास पाटील यांना तातडीने राजावाडी रुग्णालयात दाखल केले. तेथे त्याच्यावर वैद्यकीय उपचार चालू असून त्यांची प्रकृती आता स्थिर आहे. सुदैवाने या बसचे वाहक शाम बोराडे (बस वाहक क्रं ९२५६५) आणि बसमधील इतर प्रवाशांना कोणतीही इजा झाली नसून सर्वजण सुखरूप असल्याचे समजले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम