मागाठाणे: मागाठाणे येथील टाटा पाँवर मार्गावरील नाल्याच्या रुंदीकरण कामात अडथळा ठरत असलेल्या झोपडपट्टीची तसेच बोरिवलीच्या दत्तपाडा येथील महेंद्र अंँड महेंद्र फेज दोनच्या आकार पिनॅकल इमारतीचा प्रवेश मार्ग रस्ता समस्येबाबत मुंबईच्या महापौर किशोरी किशोर पेडणेकर यांनी आज दि.१९ ऑक्टोंबर २०२० रोजी महापालिका अधिकाऱ्यांसमवेत संबंधित स्थळी भेट देऊन रस्त्याच्या सद्यस्थितीची  पाहणी केली.

याप्रसंगी आमदार प्रकाश सुर्वे, आमदार विलास पोतनीस,शिक्षण समिती अध्यक्षा श्रीमती संध्या दोशी, आर /मध्य व आर उत्तर प्रभाग समिती अध्यक्षा  श्रीमती सुजाता पाटेकर, नगरसेवक श्रीमती गीता सिंघण,श्रीमती  माधुरी भोईर, माजी नगरसेवक श्री चेतन कदम, उपायुक्त (परिमंडळ -७) श्री. विश्वास शंकरवार,आर/ मध्य विभागाचे सहाय्यक आयुक्त श्रीमती भाग्यश्री कापसे तसेच संबंधित अधिकारी उपस्थित होते.

 मागाठाणेच्या टाटा पाँवर मार्गावरील नाल्यावर ७८ झोपड्या असून त्यापैकी ५५ झोपड्या पात्र असल्याच्या महापालिका अधिकाऱ्यांनी महापौरांना सांगितले. महापौर किशोरी पेडणेकर संबंधित अधिकाऱ्यांना मार्गदर्शन करताना म्हणाल्या की,जे झोपडीधारक पात्र आहेत त्यांना आपल्या पर्यायी जागेत स्थलांतर करावे त्यासोबतच जे अपात्र आहेत त्यांचे इतर ठिकाणी स्थलांतर करावे असे निर्देश महापौरांनी यावेळी दिले.महापालिका नियमाप्रमाणे झोपडपट्टीतील रहिवाशांचे पर्यायी घरांमध्ये स्थलांतर करणे आवश्यक असून त्याबाबतचे निर्देश महापौरांनी यावेळी दिले. संबंधित काम  महापालिका अधिकाऱ्यांनी  गतीने केल्यास  नाला रुंदीकरण करण्याचे काम करणे अधिक सोयीचे होणार असल्याचे महापौरांनी यावेळी सांगितले. 

त्याचप्रमाणे आकार पिनॅकल इमारतीचा प्रवेश मार्ग हा अरुंद असल्यामुळे या प्रवेश मार्गाचे रुंदीकरण करणे शक्य आहे का? याबाबत महापालिका अधिकाऱ्यांसोबत चर्चा करून संबंधित सर्व विभागांची याठिकाणी तातडीची बैठक लावण्याचे निर्देश महापौरांनी यावेळी संबंधित अधिकाऱ्यांना दिले. रस्ता हा नऊ मीटर असला पाहिजे असा नियम असताना हा रस्ता या ठिकाणी फक्त पाच मीटर असल्याचे स्थानिक रहिवाशांनी महापौरांच्या निर्दशनास आणून दिले.याबाबत महापौरांनी रस्ता रुंदीकरण करताना कोणत्या तांत्रिक समस्या आहेत हे जाणून घेतले.त्याचप्रमाणे संबंधित अधिकाऱ्यांची बैठक घेऊन त्यातून योग्य तो तोडगा काढणे शक्य होणार असल्याचे महापौरांनी येथील रहिवाशांना सांगितल