विक्रोळी येथे बेस्टच्या बसचा अपघात! १६ प्रवासी जखमी
- by Adarsh Maharashtra
- Oct 17, 2020
- 1186 views
मुलुंड :(शेखर भोसले) भांडुप येथून वरळीला जाणाऱया बेस्टच्या बस क्रमांक २७ ला, विक्रोळी येथील पूर्व द्रुतगती महामार्गावर आज सकाळच्या सुमारास अपघात झाल्याने बसमधील १६ प्रवासी जखमी झाले आहेत. जखमींना घाटकोपर येथील राजावाडी, विक्रोळीतील डॉ. बाबासाहेब आंबेडकर रुग्णालय आणि सायन येथील लोकमान्य टिळक रुग्णालयात दाखल करण्यात आले आहेत. या बसमध्ये एकूण २० ते २५ प्रवासी होते.
पूर्व द्रुतगती महामार्गावरील विक्रोळी उड्डाणपुलाजवळून या बसचे मार्गक्रमण चालू असताना अचानक एक मोटर सायकल बस समोर आल्याने, मोटरसायकल चालकाला वाचवण्याच्या प्रयत्नात बस चालकाचे स्टेरींगवरील नियंत्रण सुटल्याने विक्रोळी उड्डाणपुलाजवळील दुभाजकाला जाऊन बस धडकली.
त्यामुळे बस चालक सिराज पठाणसह बसमधील १६ प्रवाशांना किरकोळ स्वरुपात इजा झाली असून ७ प्रवासी राजावाडी रुग्णालय, घाटकोपर येथे उपचार घेत असून ८ प्रवासी आंबेडकर रुग्णालय, विक्रोळी येथे तर १ प्रवासी सायन रुग्णालय, येथे उपचार घेत आहे. दरम्यान विक्रोळी पोलिस ठाण्याचे अधिकारी तसेच अतिरिक्त पोलिस आयुक्त संजय दराडे यांनी घटनास्थळी दाखल होऊन चौकशी सुरु केली असून पोलिस अधिक तपास करत आहेत.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम