मुंबई दि.१५: गेल्या पन्नास वर्षापेक्षा अधिककाळ गिरणगावात वाचन संस्कृतीचे महत्त्व टिकवून ठेवणाऱ्या ,राष्ट्रीय मिल मजदूर संघ सार्वजनिक ग्रंथालय व वाचनालयाच्या वतीने आज संपन्न झालेला 'वाचन-प्रेरणा दिन 'खऱ्या अर्थाने भूतपूर्व राष्ट्रपती ए.पी.जे.अब्दुल कलाम यांच्या आठवणीना उजाळा देणारा ठरला.

भूतपूर्व राष्ट्रपती ए.पी.जे अब्दुल कलाम यांच्या जयंती दिनाच्या ओचित्याने सर्वत्र वाचन प्रेरणा दिन संपन्न होत आहे. रा.मि.म.संघ सार्वजनिक ग्रथालय व वाचनालयच्या वतीने परेलच्या मजदूर मंझील मधील ग्रथालयात आज मुखपट्टी,सामाजिक अंतर सारखे नियम पाळून मोचक्या उपस्थितीत हा वाचन व प्रेरणादिन सपन्न झाला.सर्व प्रथम ए.पी.जे.अब्दुल कलाम यांच्या प्रतिमेला पुष्पहार घालून अभिवादन करण्यात आले.

सघटनेचे अध्यक्ष माजी राज्यमंत्री सचिनभाऊ अहिर आणि सरचिटणीस गोविंदराव मोहिते यांनी अत्याधुनिक पध्दतीने कायापालट केलेले हे 'ग्रथालय-वाचनालय आजच्या मुहूर्तावर पुन्हा वाचकांसाठी खुले करण्यात आले.लॉकडाऊनमध्ये ते बंद होते.महाराष्ट्र शासनाच्या वतीने ते आजपासून सुरू करण्याचे आदेश जारी करण्यात आले आहेत. खजिनदार निवृत्ती देसाई, उपाध्यक्ष आण्णा शिर्सेकर यांच्या हस्ते स्व.कलाम यांच्या प्रतिमेला पुष्पहार घालण्यात आला.माजी नगरसेवक, उपाध्यक्ष सुनिल अहिर विशेष 

अतिथी म्हणून उपस्थित होते.ज्येष्ठ कथालेखक आणि प्रसिद्धी प्रमुख काशिनाथ माटल कार्यक्रमाला प्रमुख पाहुणे म्हणून उपस्थित होते.उपाध्यक्ष सुनिल अहिर म्हणाले,राष्ट्रपती ए.पी.जे.अब्दुल कलाम यांना जवळून पहाण्याचा योग आला आहे.त्यांची अत्यंत साधी रहाणीमान आणि उच्च विचारसरणी आजच्या पिढी पुढील नवा आदर्श आहे. खजिनदार निवृत्ती देसाई म्हणाले,अब्दुल कलाम यांनी त्यागमयी जीवन कार्यातून इतिहास घडविला.

कार्यक्रमाचे मुख्य अतिथी म्हणून बोलताना ज्येष्ठ कथालेखक काशिनाथ माटल म्हणाले,आजच्या बदलत्या काळात वाचेल तोच पुढे जाईल.आपल्या महाराष्ट्राला संत परंपरेपासून वैचारिक साहित्याचा वारसा लाभला आहे.एकापेक्षा एक मौलिक ग्रंथ निर्मि तीत महाराष्ट्र पुढे असून,त्यासाठी लाभलेले महानुभवी लेखक-कवी आपली शान आहे.

सर्वश्री मारुती शिंत्रे, मोहन पोळ,मेघना आसबे यांनी आपल्या भाषणात वाचनाचे महत्त्व पटवून दिले.प्रभारी ग्रंथपाल ममता घाडी यांनी प्रास्ताविक केले.श्रावणी पवार यांनी ग्रंथ वाचन केले.कार्यालयीन प्रमुख मधुकर घाडी यांनी कार्यक्रम पार पडण्यात विशेष सहकार्य केले.या कार्यक्रमाला वाचकांनी उपस्थिती लावली.