भांडुप येथे इमारतीचा स्लॅब कोसळला! चार जण किरकोळ जखमी
- by Adarsh Maharashtra
- Oct 13, 2020
- 1029 views
मुलुंड :(शेखर भोसले) भांडूप विभागातील डीएव्ही कॉलेज समोरील इंद्रलोक सोसायटी मधील 'बी' विंगच्या दुसऱ्या माळ्याचा स्लॅब कोसळल्याने त्या घरातील चौघे किरकोळ जखमी झाले असून जवळच्या रूग्णालयात त्यांच्यावर औषधोपचार सुरु करण्यात आले आहेत. सुदैवाने पहिला माळा आणि तळमजला येथील घरात कोणीही राहत नसल्याने कोणतीही जीवित हानी झाली नाही.
भांडुप पूर्व येथील इंद्रलोक इमारतीचा स्लॅब कोसळल्याची माहिती मिळताच स्थानिक आमदार सुनिल राऊत व स्थानिक नगरसेविका सुवर्णा करंजे यांनी घटनास्थळाची भेट देवून दुर्घटनेची पाहणी केली आणि पालिका अधिकाऱयांना आवश्यक त्या सूचना केल्या. जखमींना तातडीने जवळच्या रुग्णालयात दाखल करण्यात आले व उपचार चालू करण्यात आले. पालिका अधिकाऱयांनी संपूर्ण परिस्थितीचा आढावा घेतला व इमारतीतील इतर रहिवाश्यांना दुसऱ्या ठिकाणी स्थलांतरीत होण्याचे आदेश दिले. कांजूर मार्ग पोलीस स्टेशनच्या अधिका-यांनी दुर्घटना घडताच ताबडतोब घटनास्थळी धाव घेवून परिस्थिती नियंत्रणात आणली, त्यामुळे कोणतीही गोंधळसदृश्य परिस्थिती निर्माण झाली नाही.
दरम्यान आमदार सुनिल यांनी सर्व जखमी रहिवाशांच्या उपचाराचा खर्च उचलला असून इमारतीतील सर्व रहिवाशांना इतर ठिकाणी स्थलांतरित करून त्यांच्या तात्पुरत्या राहण्याची व्यवस्था केली आहे. एस वॉर्ड पालिका अधिकारी या दुर्घटनाग्रस्त इमारतीच्या दुरुस्तीसंबंधात पुढील कारवाई करत असल्याचे समजले.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम