रुग्णालयातील गर्दीच्या वायलर विडिओमुळे २४ तास ड्युटी करणाऱ्या सुरक्षा रक्षकांना मिळाली ८ तासांची ड्युटी
- by Adarsh Maharashtra
- Oct 04, 2020
- 1228 views
मुलुंड :(शेखर भोसले) वीर सावरकर रुग्णालयातील गर्दीचा एक विडिओ दि २९ सप्टेंबर रोजी सर्वत्र वायलर झाला होता. कोविडची चाचणी करण्यासाठी येणारे नागरिक, लहान मुलांना पोलिओ डोस पाजण्यासाठी येणारे पालक, इतर वैद्यकीय तपासणीसाठी येणारे रुग्ण तसेच माझे कुटुंब माझी जबाबदारीच्या मोहिमेवर असलेले स्वयंसेवक व आरोग्य कर्मचारी या सर्वांची वर्दळ एकाचवेळी वाढल्याने तेथे काहीशी गर्दी झाली होती व या गर्दीचे चित्रीकरण करून ते व्हाट्सअप टाकल्याने हा विडिओ वायलर झाला होता.
आधीच मुलुंडमध्ये प्रत्येक दिवशी १०० पेक्षा अधिक रुग्ण आढळत असल्याने भीतीच्या छायेत वावरत असणाऱ्या मुलुंडकरांमध्ये ह्या वायलर विडिओची, सावरकर हॉस्पिटलमध्ये झालेल्या गर्दीची व गैरव्यवस्थापनाची चर्चा होवू लागल्याने तेथे भेट देवून माहिती घेतली असता असे आढळून आले की मागील काही दिवसांपासून मनुष्यबळाच्या कमतरतेमुळे संपूर्ण रुग्णालयाच्या सुरक्षेसाठी एकच सुरक्षा कर्मचारी असून हा कर्मचारी २४ तास ड्युटी करतो. रात्रंदिवस ड्युटी केल्याने त्रासलेल्या या सुरक्षा कर्मचाऱ्याला एकाचवेळी, रुग्णालयाचे तिन्ही गेट तसेच रुग्णालयात रोज येणार्या शेकडो रुग्णांवर, नागरिकांवर लक्ष ठेवणे तसेच होणाऱ्या गर्दीवर नियंत्रण ठेवणे कठीण जात होते.
यासंदर्भात त्याचदिवशी पालिकेच्या टी वॉर्डचे मुख्य सुरक्षा अधिकारी गोपीनाथ तेलवडे यांना भेटून सावरकर हॉस्पिटलात होणाऱ्या गर्दीच्या नियंत्रणासाठी तेथे सुरक्षा रक्षक वाढवावे तसेच या सुरक्षा रक्षकांना आठ तासांची ड्युटी द्यावी अशी मागणी केली. मुख्य सुरक्षा अधिकारी गोपीनाथ तेलवडे यांनी याप्रकरणी लक्ष घालून सुरक्षा कर्मचारी वाढविण्याचे मान्य केले. त्यानुसार दि १ ऑक्टोबर पासून वीर सावरकर हॉस्पिटलातील सुरक्षा कर्मचाऱ्यांना ८ तासांची ड्युटी देण्यात आली असून प्रत्येक शिफ्टला एक सुरक्षा कर्मचारी नेमण्यात आला असल्याचे आढळून आले आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम