केबल दुरुस्तीसाठी महावितरणने खोदलेल्या रस्त्याचे डेब्रिज कित्येक दिवसांपासून पदपथावर पडून
- by Adarsh Maharashtra
- Oct 03, 2020
- 759 views
मुलुंड :(शेखर भोसले) मुलुंड पूर्वेतील टाटा कॉलनीतील रस्ते महावितरणने केबलच्या दुरुस्तीसाठी निरनिराळ्या ठिकाणी खोदून ठेवले आहेत. केबल दुरुस्तीचे काम झाल्यावर सदर रस्ता महावितरणने तसाच दुरवस्थेत सोडलेला आहे त्यामुळे वाहनचालकांना वाहन चालविणे कठीण जात आहे तसेच रस्ता खोदल्यामुळे निघालेले रस्त्याचे डांबरी डेब्रिज देखील बाजूच्याच पदपथावर महावितरणच्या कामगारांनी टाकले असल्याने पदपथ बंद झाला आहे त्यामुळे स्थानिक नागरिकांना, पादचाऱयांना रस्त्यावरून चालावे लागत आहे. जेष्ठ नागरिक तसेच लहान मुलांना गाड्या चुकवत जीव मुठीत घेवून रस्त्यावरून चालावे लागत आहे.
टाटा कॉलनीची जबाबदारी असलेले महावितरणचे अधिकारी सहा अभियंता धाटोळ यांना रस्ता दुरुस्ती व पदपथावरील डेब्रिज उचलण्यासंबधी संपर्क साधला असता नेहमीप्रमाणे त्यांनी उडवाउडवीची उत्तरे देवून डेब्रिज कुठे टाकायचे असा प्रति प्रश्न केला.
महावितरणच्या कार्यपद्धतीनुसार व नियमानुसार केबल खोदल्यानंतर त्याचे डेब्रिज कुठे टाकतात हे संबंधित अधिकाऱयांना माहिती असणे व त्यानुसार सदर डेब्रिज पदपथावर अनेक महिने तसेच न ठेवता त्याची योग्य पद्धतीने विल्हेवाट लावणे आवश्यक असते. परंतु कामाची पद्दतच महावितरणच्या काही अधिकाऱयांना माहिती नसल्यामुळे त्याचा त्रास नागरिकांना सहन करावा लागत आहे.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम