महापौरावर कारवाई कधी? उद्या फौजदारी गुन्हा दाखल करणार - डॉ किरीट सोमैया
किश कॉर्पोरेट कंपनीच्या गैरव्यवहाराविरोधात भाजप नेते डॉ किरीट सोमैयांचे महापालिकेबाहेर धरणे-आंदोलन
- by Adarsh Maharashtra
- Sep 28, 2020
- 1271 views
मुंबई :मुंबईच्या महापौर किशोरी पेडणेकर यांनी किश कॉर्पोरेट कंपनीच्या माध्यमातून केलेल्या गैरव्यवहाराविरोधात भाजप नेते किरीट सौमैया यांनी महापालिका मुख्यालया बाहेर धरणे- आंदोलन केले. प्रशासनातील सर्व अधिका-यांकडे महापौरांच्या भ्रष्ट कारभाराविरोधात तक्रार करुनही, सबळ पुरावे दिल्यानंतरही कोणतीही कारवाई न झाल्यानंतर आज आंदोलन करण्यात आले. महापौरांवर कडक कारवाई व्हावी आणि त्यांची हकालपट्टी करावी अशी मागणी सोमैया यांनी यावेळी केली. यावेळी सोमैया यांनी रजिस्टार ऑफ कंपनीजकडून महापौरांनी सादर केलेल्या कराराची क़ॉपीही माध्यमासमोर दाखवली. ज्यांनी गरिबांची घर लाटली त्यांच्यावर कोणतीही कारवाई ठाकरे सरकार करत नाही, प्रशासनावर ठाकरे सरकारचा दबाव असल्याने महापौरांविरोधात कोणताही गुन्हा दाखल करण्यात आलेला नाही.
SRA ने रहिवाशांना दिलेल्या गाळ्यावर किश कॉर्पोरेटचे कार्यालय सुरु करणे हा कायद्याने गुन्हा आहे. किश कॉर्पोरेटचे कंपनीची स्थापना आणि त्यांच्या संचालक स्वत: महापौर किशोरी पेडणेकर आहेत.रहिवाशी ईमारतीमध्ये कंपनीचे कार्यालय सुरु करणे हा मोठा अपराध आहे. उद्या सौमैया हे वांद्रे येथील एसआरए कार्यालया जवळील (खेरवाडी) पोलीस स्टेशनमध्ये महापौरां विरोधात फौजदारी गुन्हा दाखल करणार आहेत.
रिपोर्टर
Adarsh Maharashtra is a Digital Media Site. This app is the mobile Version of Adarsh Maharashtra Marathi News Paper. It is 24 hour web news and local news which assure you to show only what is truth, the idea behind Adarsh Maharashtra News to make aware what is happening all over, and to combine advanced news delivery technologies. We are hard working, honest and courages who wants do something for our people and coming generation.
आदर्श महाराष्ट्र वेब टीम